شىمكەنتتە قىز الىپ قاشقان جىگىت قاماۋعا الىندى

شىمكەنتتە قىز الىپ قاشقاندارعا قاتىستى تەرگەۋ باستالدى، - دەپ حابارلايدى شىمكەنت قالاسىنىڭ پروكۋراتۋراسى.

16- قاڭتاردا شىمكەنت قالاسى پوليتسياسىنىڭ كەزەكشى بولىمىنە ازاماتشا م. ا. قىزىن ۇيلەنۋ ماقساتىندا بەلگىسىز ەر ازاماتتىڭ ۇرلاپ كەتكەنى تۋرالى كورسەتكەن.

بۇل دەرەك بويىنشا قازاقستان رەسپۋبليكاسىنىڭ قىلمىستىق كودەكسنىڭ 125-بابى 2-بولىگىنىڭ 1) تارماعىنىڭ نەگىزىندە (ادامدى ۇرلاۋ) سوتقا دەيىنگى تەرگەپ-تەكسەرۋ باستالىپ، ناتيجەسىندە ماڭعىستاۋ وبلىسىنىڭ «گ» ەسىمدى تۇرعىنى ۇستالىپ، ەكى ايعا قاماۋعا الىندى.

تەرگەپ-تەكسەرۋ بارىسىندا بارلىق ءمان-جايلار انىقتالاتىن بولادى.

مۇنداي قىلمىستى جاساعانى ءۇشىن كىنالىلەردىڭ مۇلكى تاركىلەنىپ، ولارعا قاتىستى جەتى جىلدان ون ەكى جىلعا دەيىنگى مەرزىمگە باس بوستاندىعىنان ايىرۋ جازاسى قولدانىلۋى مۇمكىن.

قازاقستان رەسپۋبليكاسى قىلمىستىق پروتسەستىك كودەكسىنىڭ 201-بابىنىڭ تالاپتارىنا سايكەس باسقا اقپارات جاريا ەتۋگە جاتپايدى. ءىس قالا پروكۋراتۋراسىنىڭ ەرەكشە باقىلاۋىندا.