شىمكەنتتە مۇعالىمدى بوپسالاعان بلوگەر ۇستالدى
شىمكەنت. KAZINFORM - كۇدىكتى جاعىمسىز اقپاراتتى جاريالاماۋ ءۇشىن 1,2 ميلليون تەڭگە تالاپ ەتكەن.
شىمكەنت قالاسى پوليتسيا دەپارتامەنتىنىڭ باسپا ءسوز قىزمەتى ۇسىنعان اقپاراتقا سۇيەنسەك، كۇدىكتى مەديا سالاسىنداعى تانىمالدىلىعىن پايدالانىپ، مەكتەپ قىزمەتكەرلەرىن بوپسالاعان. «جاعىمسىز اقپاراتتى جاريالايمىن» دەپ قورقىتىپ، 1,2 ميلليون تەڭگە تالاپ ەتكەن.
اتالعان جايت بويىنشا قىلمىستىق ءىس قوزعالدى.
- قاجەتتى تەرگەۋ امالدارى جۇرگىزىلىپ جاتىر. كۇدىكتى ۋاقىتشا ۇستاۋ يزولياتورىنا قامالدى. قانداي دا ءبىر قىسىم كورسەتۋ، قورقىتۋ جانە بوپسالاۋ ارەكەتتەرى قىلمىستىق جاۋاپكەرشىلىككە اكەپ سوعادى. ازاماتتاردى مۇنداي جاعدايدا بىردەن قۇقىق قورعاۋ ورگاندارىنا جۇگىنۋگە شاقىرامىز، - دەلىنگەن ۆەدومستۆا اقپاراتىندا.
ايتا كەتەيىك، بۇدان بۇرىن شىمكەنتتە جاستار ورتالىعىنىڭ باسشىسى جەلىدەگى جازباعا لايك باسپاعان قىزمەتكەرلەردى جازالاعانىن جازعان بولاتىنبىز.
