شىمكەنتتە كيبەرافەريستەرگە حالىقارالىق ىزدەۋ جاريالاندى

көлік сату
Фото: Фото: Рolisia.kz

شىمكەنت پوليتسياسى كيبەرافەريستەردى ىزدەستىرىپ جاتىر. ولار قالا تۇرعىندارىن 50 ميلليون تەڭگەگە الداپ كەتكەن. kazinform اگەنتتىگى بۇل تۋرالى polisia.kz-كە سىلتەمە جاساپ حابارلايدى.

پوليتسيا مالىمەتىنە سۇيەنسەك، الماتى، اقتوبە جانە تاراز قالاسىنىڭ 31، 36، 37 جاستاعى تۇرعىندارى شىمكەنتتىك 30 تۇرعىندى سان سوقتىرعان. كەلتىرىلگەن جالپى شىعىن كولەمى 50 ميلليون تەڭگەگە جۋىق.

اليسا امانوۆا، ەلينا حاميدوۆا جانە راميس راسيموۆقا بيىلعى شىلدە ايىندا ق ر قىلمىستىق كودەكسىنىڭ 190-بابى 3-بولىگىمەن (بىرنەشە رەت جاسالعان الاياقتىق) حالىقارالىق ىزدەۋ جاريالاندى.

قىلمىس سحەماسى: كولىك ساتۋ سايتىندا ورنالاسقان باسقا بىرەۋدىڭ حابارلاندىرۋىن كوشىرىپ الىپ، ونى تومەن باعادا قايتا جارنامالايدى. قوڭىراۋ شالعان كليەنتپەن كەزدەسەتىن ۋاقىتتى بەلگىلەيدى. ودان ءارى كولىكتىڭ شىن يەسىنە قوڭىراۋ شالىپ، ءوزىن كليەنت رەتىندە تانىستىرعان جانە كەزدەسۋ ۋاقىتىن بەلگىلەيدى.

الاياقتار ەكى تاراپقا دا كولىكتى كورۋگە جانە كورسەتۋگە تۋىسى كەلەتىنىن ايتادى. ال اقشاسىن تولەۋ ماسەلەسى بويىنشا وزدەرىنە قايتا قوڭىراۋ شالۋ كەرەكتىگىن ەسكەرتەدى. وسىلايشا ولار ناعىز ساتۋشى مەن ساتىپ الۋشىنى بەتپە- بەت جۇزدەستىرەدى. ولار تارقاسقان سوڭ كليەنتكە قايتا قوڭىراۋ شالىپ، اقشانى ءوز ەسەپشوتتارىنا اۋدارتىپ الادى.

سوڭعى جاڭالىقتار