شىمكەنتتە «حيزب-ۋت-تاحريرگە» مۇشە 22 راديكال ۇستالدى
شىمكەنت. KAZINFORM - ۇلتتىق قاۋىپسىزدىك كوميتەتىنىڭ شىمكەنت قالاسى بويىنشا دەپارتامەنتى قالا پروكۋراتۋراسىنىڭ ۇيلەستىرۋىمەن 22 ادامنان تۇراتىن «حيزب-ۋت-تاحرير» راديكال-ەكسترەميستىك ۇيىمىن (قازاقستاندا تىيىم سالىنعان - رەد. ) انىقتادى.
ولار بيىلعى رامازان ايىندا اۋىزاشار سىلتاۋىمەن راديكالدى ەكسترەميستىك ۇيىمنىڭ جەرگىلىكتى جاقتاستارىنىڭ سانىن كوبەيتۋ جانە ۇگىت- ناسيحات جۇمىستارىن جۇرگىزۋ ءۇشىن ءدىني جيىندار وتكىزگەن.
ءتىنتۋ بارىسىدا قازاقستاندا تىيىم سالىنعان 7 ءدىني كىتاپ، ءدىني مازمۇنداعى 10 نان استام قولجازبا جانە ماتىندىك پاراقشالار، 6 ۇيالى تەلەفون مەن 4 نوۋتبۋك تاركىلەندى.
اتالعان فاكتى بويىنشا ق ر ق ك 256-بابىنىڭ 1-بولىگىمەن جانە 259-بابىنىڭ 1-بولىگىمەن تەرگەۋ امالدارى باستالدى.
وسىعان بايلانىستى شىمكەنت پروكۋراتۋراسى ەلدىڭ كونستيتۋتسيالىق قۇرىلىمىن بۇزۋ ماقساتىندا راديكالدى ەكسترەميستىك ۇيىمعا كىرۋگە شاقىرعاندار قىلمىستىق جاۋاپكەرشىلىككە تارتىلاتىنىن ەسكەرتەدى.
ق ر ق پ ك 201-بابىنىڭ تالاپتارىنا سايكەس باسقا اقپارات جاريالانبايدى.
