شىمكەنتتە ءبىر وتباسى مۇشەلەرى ءوز ۇيلەرىندە قايتىس بولدى

شىمكەنتتە بەلگىسىز سەبەپپەن ءبىر وتباسى مۇشەلەرى ءوز ۇيلەرىندە قايتىس بولدى، دەپ حابارلايدى Kazinform.

وقيعا «ىنتىماق-2» مولتەكاۋدانىندا بولعان.

جەلىدە تاراعان اقپاراتتارعا سۇيەنسەك، وتباسى مۇشەلەرى گازعا تۇنشىعىپ قايتىس بولعان. ونىڭ ىشىندە 2007، 2008 جانە 2012-جىلدارى تۋعان ءۇش بالا بار.

قالالىق توتەنشە جاعدايلار دەپارتامەنتى وقيعا جونىندە ءالى رەسمي اقپارات تاراتپادى. دەگەنمەن، قايعىلى وقيعانىڭ بولعانىن راستاپ وتىر.

ال قالا اكىمى عابيت سىزدىقبەكوۆ بارلىق جەدەل قىزمەت كورسەتۋ مەكەمەلەرى وقيعا ورنىنا شۇعىل جەتكەنىن مالىمدەدى.

«ءوز تاراپىمىزدان بارلىق قاجەتتى قولداۋ كورسەتەمىز. توتەنشە جاعدايلار دەپارتامەنتىنە، گاز بەرۋ قىزمەتتەرىنە، اۋدان اكىمدىكتەرىنە كوپقاباتتى جانە جەكە سەكتورلارداعى گاز جابدىقتارىن باقىلاۋ ماقساتىندا كەشەندى تەكسەرۋ جۇرگىزۋدى تاپسىردىم. ودان بولەك، پەشپەن جىلىتۋ قولدانىلاتىن ۇيلەر دە تەكسەرىلەدى»، - دەگەن اكىم قالا تۇرعىندارىن پاتەرلەردە، جەكە ۇيلەردە گازدى پايدالانۋ كەزىندە قاۋىپسىزدىك تەحنيكاسىن قاتاڭ ساقتاۋعا شاقىردى.