16:42, 25 - ءساۋىر 2025 | GMT +5
شىمكەنتتە ءبۇلدىرشىننىڭ ولىمىنەن كەيىن ەكى كاسىپكەر قاماۋعا الىندى
شىمكەنت. KAZINFORM - وقيعا «تۇران-1» مولتەك اۋدانىندا بولدى.
كەشكىسىن دالاعا ويناۋعا شىققان ءبىرىنشى سىنىپ وقۋشىسى ايدىن ءساۋىرباي ۇيىنە قايتىپ ورالماعان. ىزدەستىرۋ جۇمىستارى بارىسىندا جەتكىنشەكتىڭ دەنەسى ءىشى سۋعا تولا شۇڭقىردان تابىلعان بولاتىن.
اتالعان اۋماققا ەكى مەردىگەر ۇيىم جاۋاپتى بولعان. ولار شۇڭقىر قازعان، ءبىراق ونى قورشاماي، قاۋىپسىزدىك شارالارىن ساقتاماعان. كومپانيالاردىڭ باسشىلارى قاۋىپسىزدىكتى قامتاماسىز ەتپەدى دەگەن كۇدىكپەن ۇستالدى.
- وقيعا ورنىندا ەشقانداي قورشاۋ نەمەسە ەسكەرتۋ بەلگىلەرى ورناتىلماعان. كومپانيا باسشىلارى قاماۋعا الىندى، - دەلىنگەن شىمكەنت قالالىق پوليتسيا دەپارتامەنتىنىڭ باسپا ءسوز قىزمەتى ۇسىنعان اقپاراتتا.
ايتا كەتەيىك، بۇدان بۇرىن اتالعان وقيعاعا بايلانىستى اۋدان اكىمى قىزمەتىنەن بوساتىلعان بولاتىن.
