شىمكەنتتە پارا العان پوليتسەي 25 ەسەلەنگەن مولشەردە ايىپپۇل تولەيتىن بولدى
شىمكەنتتە پارا العان پوليتسەي جيىرما بەس ەسەلەنگەن مولشەردە ايىپپۇل تولەيتىن بولدى، دەپ حابارلايدى قازاقپارات ءتىلشىسى.

شىمكەنت قالاسىنىڭ قىلمىستىق ىستەر جونىندەگى اۋدانارالىق سوتىندا پارا العان پوليتسيا قىزمەتكەرىنە قاتىستى ق ك-نىڭ 366-بابىنىڭ 1-1-بولىگىمەن (قۇقىق قورعاۋ ورگانىنىڭ قىزمەتكەرىمەن پارا الۋ) قوزعالعان قىلمىستىق ءىس قارالدى.
سوتتالۋشى قۇقىق قورعاۋ ورگانىنىڭ قىزمەتكەرى بولا تۇرا، ادامداردىڭ جالدامالى پاتەردە زاڭمەن تىيىم سالىنعان قىزمەت ءتۇرىن كورسەتۋگە جول بەرىپ، وعان ىقپال جاساپ كەلگەن. قامقورلىعى ءۇشىن جالپى 120000 تەڭگە كولەمىندە پارا العان.
سوتتىڭ شەشىمىمەن سوتتالۋشى ق ك-نىڭ 366-بابى 1-1-بولىگىمەن كىنالى دەپ تانىلدى. اتالعان باپپەن وعان پارانىڭ جيىرما بەس ەسەلەنگەن مولشەرىندە، ياعني 3000000 تەڭگە ايىپپۇل جازاسى تاعايىندالدى.
سوت ۇكىمىمەن سوتتالۋشى ءومىر بويىنا مەملەكەتتىك جانە قۇقىق قورعاۋ ورگاندارىندا قىزمەت اتقارۋ قۇقىعىنان جانە پوليتسيا مايورى ارناۋلى شەنىنەن ايىرىلدى.
«سوت ۇكىمى زاڭدى كۇشىنە ەنگەن. جازا تاعايىنداعاندا، سوت سوتتالۋشىنىڭ جاساعان ارەكەتتەرى ءۇشىن شىن نيەتپەن وكىنگەنىن، اسىراۋىندا جاس بالالارىنىڭ بولۋىن، الدىن سوتتى بولماعانىن جانە قىلمىستىق قۇقىق بۇزۋشىلىقتى كاسىبي انتىن بۇزا وتىرىپ جاساۋىن ەسكەردى»، - دەلىنگەن شىمكەنت قالاسى سوتىنىڭ باسپا ءسوز قىزمەتى ۇسىنعان اقپاراتتا.