شىمكەنتتە الاياقتار باسپاناسى جوق ادامداردىڭ اتىنان 22 ميلليون تەڭگە نەسيە راسىمدەگەن

شىمكەنت. KAZINFORM - جابىرلەنۋشىلەردى كاسىپكەر ەتىپ كورسەتىپ، اتتارىنان نەسيەگە قوماقتى قارجى العان.

Петропавлда мерекелік демалыс күндері полицияға 1 800-ден астам қоңырау түсті
Фото: polisia.kz

شىمكەنت قالاسىنىڭ پوليتسيا دەپارتامەنتى الاياقتىق سيپاتىنداعى قىلمىستىق ءىستى تەرگەپ- تەكسەرۋ بارىسىندا كوممەرتسيالىق ۇيىمنىڭ جاۋاپتى قىزمەتكەرلەرىنىڭ ءوز مىندەتتەرىن ادال اتقارماۋ فاكتىسىنە قاتىستى ق ر ق ك- ءنىڭ 254-بابىمەن قىلمىستىق ءىستى تىركەدى.

ناقتىراق ايتقاندا، كوممەرتسيالىق ۇيىمنىڭ قىزمەتكەرلەرى 2021 - جىلى 22800000 تەڭگە كولەمىندەگى الاياقتىق فاكتىسىن انىقتاعان. الايدا، جالعان جەكە كاسىپكەرلىكتەر مەن زاڭدى تۇلعالاردى تەكسەرۋگە جانە ولاردىڭ ەسەپشوتتارىن بۇعاتتاۋعا شارالار قابىلدانباعان.

«بۇل قۇقىق بۇزۋشىلىقتار قىلمىستىق توپتىڭ الاياقتىق جوسپارىن جۇزەگە اسىرۋىنا جانە جابىرلەنۋشىلەردىڭ قاراجاتتارىن يەمدەنۋىنە جول بەرىلگەن. كۇدىكتىلەر ءۇيى جوق ادامداردىڭ اتىنان جەكە كاسىپكەرلىك اشىپ، سول ارقىلى الاياقتىق جاساعان. قىلمىستىق ءىس قالا پروكۋراتۋراسىنىڭ باقىلاۋىندا»، - دەلىنگەن شىمكەنت قالاسىنىڭ پروكۋراتۋراسى تاراتقان اقپاراتتا.

ايتا كەتەيىك، بۇدان بۇرىن شىمكەنتتە سەنىمگەرلىك باسقارۋعا بەرىلگەن مەملەكەتتىك كاسىپورىن مەملەكەتكە قايتارىلعانىن جازعان بولاتىنبىز.

سوڭعى جاڭالىقتار