شىمكەنت-قىتاي كاسىپكەرلەرى B2B فورماتىندا كەلىسسوزدەر جۇرگىزدى
شىمكەنت. KAZINFORM - شىمكەنت قالاسىنىڭ رەسمي جانە ىسكەرلىك دەلەگاتسياسىنىڭ ساپارى اياسىندا قىتايدىڭ سيان قالاسىندا باس كونسۋلدىقتىڭ قولداۋىمەن باۋىرلاس قالالاردىڭ كاسىپكەرلەرىنىڭ قاتىسۋىمەن ساۋدا-ەكونوميكالىق فورۋم ءوتتى.
شىمكەنت قالاسى اكىمى باسپا ءسوز قىزمەتىنىڭ حابارلاۋىنشا، سونداي-اق، شىمكەنتتىڭ 20 عا جۋىق كومپانياسى مەن قىتايدىڭ 30 دان استام كاسىپورىن وكىلدەرى اراسىندا B2B كەزدەسۋلەر ءوتتى.
شىمكەنت بيزنەس-دەلەگاتسياسىنىڭ قۇرامىنا دەنساۋلىق ساقتاۋ، IT، ەلەكتر جابدىقتارىن ءوندىرۋ، قۇرىلىس ماتەريالدارى، مەتاللۋرگيا، تاماق جانە اۋىل شارۋاشىلىعى ونىمدەرىن ءوندىرۋ، ءبىلىم بەرۋ، قوعامدىق تاماقتانۋ جانە ت. ب. سالالارداعى بيزنەس وكىلدەرى قاتىسۋدا.
قالا اكىمى عابيت سىزدىقبەكوۆ قاتىسۋشىلاردى قۇتتىقتاپ، ەكى ەلدىڭ ەكونوميكالىق ىنتىماقتاستىعى مەن ىسكەرلىك سەرىكتەستىگىنىڭ وڭ ديناميكالىق ءوسۋىن اتاپ ءوتتى.
«بۇگىنگى كەزدەسۋلەر سىندارلى ىنتىماقتاستىققا ىقپال ەتىپ، ەكىجاقتى جاڭا جوبالاردى ىسكە اسىرۋ پەرسپەكتيۆالارىنا جول اشاتىنىنا سەنىمدىمىن. سيان «ءبىر بەلدەۋ-ءبىر جول» باستاماسىنىڭ جىبەك جولى ەكونوميكالىق بەلدەۋىنىڭ ماڭىزدى نۇكتەسى بولىپ تابىلادى. وتكەن جىلعى ساپار اياسىندا قازاقستان پرەزيدەنتى قاسىم-جومارت توقايەۆ پەن ق ح ر ءتوراعاسى شي جينپيڭ شىمكەنت پەن سيان اراسىندا باۋىرلاستىق بايلانىس ورناتۋ تۋرالى كەلىسىمدەر بويىنشا ءبىرقاتار قۇجاتقا قول قويدى. بۇل شارالار ەكى قالا اراسىنداعى ساۋدا-ەكونوميكالىق قاتىناستاردى جانداندىراتىنى ءسوزسىز»، - دەدى ع. سىزدىقبەكوۆ.
سونداي-اق، ول شىمكەنت - حالىق سانى بويىنشا قازاقستاننىڭ ءۇشىنشى ءىرى قالاسى جانە الىپ جاتقان اۋدانى بويىنشا ءبىرىنشى قالا ەكەنىن اتاپ ءوتتى. قالا ورتالىق ازيا جانە تاياۋ شىعىس ەلدەرىمەن بەلگىلەنگەن ەكونوميكالىق بايلانىستارى بار شەكارا ماڭى ايماعى مارتەبەسىنە يە جانە ەلدىڭ ماڭىزدى كولىك تورابى بولىپ تابىلادى. مۇندا ەلدىڭ ونەركاسىپتىك الەۋەتى شوعىرلانعان.
«قالادا ينۆەستورلار ءۇشىن بارلىق جاعداي جاسالعان، جالپى اۋدانى 869 گەكتار 5 وندىرىستىك الاڭ جۇمىس ىستەيدى. بۇدان باسقا، مەتاللۋرگيا، جەڭىل جانە تاماق ونەركاسىبىن، مۇناي حيمياسىن، لوگيستيكانى دامىتۋ ءۇشىن وڭدەۋ ونەركاسىبىندە 2098 گەكتار اۋماقتا 7 قوسىمشا وندىرىستىك الاڭ قۇرۋ بويىنشا جۇمىستار جۇرگىزىلۋدە»، - دەدى ول.
عابيت سىزدىقبەكوۆ قالا اكىمدىگى شىمكەنت قالاسىندا ساۋدا قاتىناستارىن ورناتۋ جانە ينۆەستيتسيالىق جوبالاردى تابىستى ىسكە اسىرۋ ءۇشىن بارلىق قاجەتتى قولداۋدى كورسەتەتىنىن اتاپ ءوتتى.
سونىمەن قاتار، كەلىسسوزدەر بارىسىندا ەكى ەلدىڭ كاسىپكەرلەرى ءوز كومپانيالارىن تانىستىردى. قىتايلىق سەرىكتەستەر ازىق-تۇلىك ءوندىرىسى، لوگيستيكا، ماشينا جاساۋ، دەنساۋلىق ساقتاۋ جانە مەديتسينا سالالارىنداعى ىنتىماقتاستىقتى دامىتۋعا قىزىعۋشىلىق تانىتتى.
ءوز كەزەگىندە شىمكەنتتىك كاسىپكەرلەر مەتاللۋرگيا، لوگيستيكا، سەلليۋلوزا - قاعاز جانە تاماق ونەركاسىبى، ماشينا جاساۋ سالالارىندا ىسكەرلىك ارىپتەستىكتى ارتتىرۋ مۇمكىندىكتەرىن جەتكىزدى.
فورۋم مەن كەزدەسۋلەردىڭ قورىتىندىسى بويىنشا B2B فورماتىندا مەموراندۋمدار مەن شارتتارعا قول قويىلدى.
اتاپ ايتقاندا، «ynvest Shymkent» ج ش س مەن «China-Kazakhstan Enterprises Alliance Committee group» اراسىندا «KazFerroGroup» ج ش س مەن «Shanxi Heynan New Metallurgical Equipment Co.» ج ش س اراسىندا ءوزارا تۇسىنىستىك تۋرالى مەموراندۋمعا قول قويىلدى. «LTP - JT food Expert» جشس مەن «Xi ' an gang Tong Tian Xia Dian zi Shang Wu You Xian Gong Sy» اراسىندا-قوعامدىق تاماقتانۋ سالاسىندا بىرلەسكەن كاسىپورىن قۇرۋ تۋرالى، سونداي-اق «KazBioTech» ج ش س مەن «Alashankou city Haoyu Trading Co. Ltd» - وسىمدىك مايىن جەتكىزۋگە ارنالعان كەلىسىمشارت جاسالدى.
