شىمبۇلاقتا اسپالى جولدار ۋاقىتشا جابىلادى

الماتى. KAZINFORM - «شىمبۇلاق» بازالىق ستانتسياسىندا ورنالاسقان اشىق ارقان-كرەسلو جولى جۇمىس ىستەمەيدى.

بۇل تۋرالى «شىمبۇلاق» تاۋ كۋرورتىنىڭ باسپا ءسوز قىزمەتى ءمالىم ەتتى.

- «مەدەۋ - شىمبۇلاق»، «كومبي-1» جانە «كومبي-2» ارقان جولدارى پروفيلاكتيكالىق قىزمەت كورسەتۋگە بايلانىستى 2-ماۋسىمعا دەيىن جابىق. بۇدان بولەك، ەرتەڭ بازالىق ستانتسياسىندا ورنالاسقان اشىق ارقان-كرەسلو جولى جۇمىس ىستەمەيدى، - دەلىنگەن حابارلامادا.

سونداي-اق ەرتەڭ، 24-مامىر كۇنى تاڭعى ساعات 09:00 دەن 14:00 گە دەيىن كۋرورتقا باراتىن كولىك جولى دا جابىلادى.

ەسكە سالايىق، بۇعان دەيىن جازعى ماۋسىم الدىندا اسپالى ارقان جولدارعا پروفيلاكتيكالىق جۇمىستار جۇرگىزىلەتىنى تۋرالى جازعانبىز.

وسىعان دەيىن «مەدەۋ» مۇز ايدىنى دا جوندەۋ جۇمىستارىنا بايلانىستى بىرنەشە جىلعا جابىلاتىنى حابارلانعان.