شىلدەنىڭ سوڭى مەن تامىزدىڭ باسىندا 41 گرادۋس ىستىق كەلە جاتىر

استانا. KAZINFORM - قازگيدرومەت سينوپتيكتەرى 30-شىلدە - 1-تامىز ارالىعىنا ارنالعان ءۇش كۇندىك اۋا رايى بولجامىن جاريالادى.

باتىس انتيسيكلوننىڭ اسەرىنە قاراماستان سولتۇستىك، شىعىس، وڭتۇستىك- شىعىس ايماقتاردا وتكىنشى جاڭبىر جاۋىپ، نايزاعاي جارقىلدايدى، جەل كۇشەيەدى.

ەلىمىزدىڭ قيىر سولتۇستىگىندە جانە وڭتۇستىك- شىعىستىڭ تاۋلارىندا قاتتى جاڭبىر جانە بۇرشاق جاۋادى، داۋىل تۇرادى.

ال سارىارقا دالاسىندا جانە ەلىمىزدىڭ وڭتۇستىگىندەگى ءشولدى اۋدانداردا جاۋىن- شاشىنسىز اۋا رايى ساقتالادى.

ەلىمىزدىڭ باتىسىندا، ورتالىعىندا، وڭتۇستىگىندە جانە وڭتۇستىك- شىعىسىندا كۇندىزگى ۋاقىتتا قاتتى ىستىق بولادى.

1-تامىزدا ەلدىڭ وڭتۇستىك- شىعىسىندا جەكەلەگەن اۋدانداردا  41+ گرادۋسقا دەيىن وتە قاتتى اپتاپ بولادى دەپ بولجانىپ وتىر.