شىمكەنتتە كۇيەۋىن پىشاقتاپ ءولتىردى دەگەن كۇدىكپەن ايەل ۇستالدى
شىمكەنت. KAZINFORM - شىمكەنتتە وتباسىلىق جانجال ادام ولىمىمەن اياقتالدى. ەر ادام پىشاق جاراقاتىنان كوز جۇمدى. قازىر پوليتسيا بۇل فاكتى بويىنشا سوتقا دەيىنگى تەرگەۋ جۇرگىزىپ جاتىر.
قايعىلى وقيعا «سامال-3» شاعىن اۋدانىندا بولعان. ەرلى-زايىپتىلار وسى شاعىن اۋدانداعى پاتەرلەردىڭ ءبىرىن جالداپ تۇرعان. الدىن الا مالىمەت بويىنشا، 24 -قىركۇيەكتە ەر ادام مەن ايەل اراسىندا وتباسىلىق-تۇرمىستىق جانجال تۋىنداپ، ناتيجەسىندە ەر ادام پىشاق جاراقاتىن العان.
- اتالعان جايت بويىنشا ايەل ۇستالىپ، ۋاقىتشا ۇستاۋ يزولياتورىنا قامالدى. قازىرگى ۋاقىتتا وقيعانىڭ بارلىق ءمان-جايىن انىقتاۋعا باعىتتالعان قاجەتتى تەرگەۋ ارەكەتتەرى جۇرگىزىلىپ جاتىر، - دەپ حابارلادى شىمكەنت قالاسىنىڭ پوليتسيا دەپارتامەنتى.
پوليتسيا وزگە اقپاراتتىڭ ق ر ق پ ك-ءنىڭ 201-بابىنا سايكەس تەرگەۋ مۇددەسىندە جاريا ەتۋگە جاتپايتىنىن مالىمدەدى.
