شىمكەنتتە بويجەتكەندى نەكەگە ماجبۇرلەدى دەگەن كۇدىكپەن ەكى ادام قاماۋعا الىندى

جەلىدە تاراعان بەينەجازبالاردا 19 جاستاعى بويجەتكەننىڭ جىگىتپەن كەزدەسىپ ءجۇرىپ، تۇرمىسقا شىققانى باياندالادى.

«تۇركىستان وبلىسى، سوزاق اۋدانىنىڭ تۋماسى ءوز ەركىمەن كەلىن بولىپ ءتۇسىپ، ارتىنشا «مەنى الىپ قاشتى» دەپ ارىزدانىپ، ارىزدى قايتارىپ الۋ ءۇشىن 5 ميلليون تالاپ ەتىپ وتىر!!!
قۇرمەتتى قازاق ەلى، رۋسلان وتەپباي، 2026-جىلى 15-شىلدە تۇركىستان قالاسى، سوزاق اۋدانىنىڭ ازاماتشاسى ءىلياس ايدا جاندوس قىزى ۇلىتاۋ وبلىسى، قارساقباي كەنتىنىڭ تۋماسى جولدىباي نۇرسۇلتان ەسىمدى ازاماتپەن 9 اي قىز بەن جىگىت رەتىندە ءجۇرىپ، تۇرمىسقا شىعۋعا ءوز ەركىمەن كەلىسىمىن بەرىپ، قارساقباي كەنتىنە كەلىن بولىپ ءتۇستى. الىپ قاشۋدى ءوزى ۇسىنعان ازاماتشا ارتىنان قۋىپ كەلگەن قۋعىنشىلارعا «جاسىم كامەلەتتىك جاستان اسقان، 19 عا تولعان قىز رەتىندە، شەشىمدى ءوزىمدى قابىلدايمىن، ءوز ەركىممەن كەلدىم، مەنى ەشكىم كۇشتەمەدى، بارمايمىن» دەپ قارسىلىق كورسەتىپ، قولحاتىن دا جازىپ بەرگەن بولاتىن. قۋعىنشىلار شاقىرتقان پوليتسيا قىزمەتكەرلەرىنە دە ءدال وسىلاي جاۋاپ بەرىپ، ۆيدەو ارقىلى مالىمدەمە جاساعان. الايدا، كەلەسى كۇنى اتا-اناسى كەلگەندە، ءوز ويىنان اينىپ، ەرىپ كەتە بەردى. ونىمەن قويماي، «مەنى كەلىسىمسىز الىپ قاشتى» دەپ جىگىتتىڭ ۇستىنەن ارىز جازدى. كەشىرىم سۇراپ، ارتىنان بارعان كىسىلەرگە، «5 ميلليون اقشا بەرسەڭدەر، ارىزدى قايتارىپ الامىز» دەپ اشىقتان-اشىق تالاپ قويعان. اقشا بەرۋدەن باس تارتقاندارى ءۇشىن، ءدال قازىرگى ۋاقىتتا ءتۇرلى ايىپتاۋلار تاعىپ جاتىر. اتاپ ايتقاندا، شىندىقتى ايتقاندارى ءۇشىن جىگىت جولداس پەن ءوزىنىڭ دوسى قىزجولداستىڭ دا ۇستىنەن ارىز جازىپ، جالعان ايىپپەن جىگىتتىڭ ۇستىنەن دە ءىس قوزعاتىپ جاتىر. 2026-جىلى 13-شىلدە قىزدىڭ ءوز شاقىرتۋىمەن جولدىباي نۇرسۇلتان شىمكەنت قالاسىنا بارىپ، قىزعا ءسوز سالعان. ءتىپتى ءسوز سالۋدىڭ بارلىق ءىس-شارالارىن قىزدىڭ ءوزى ۇيىمداستىرىپ، تاپسىرىس بەرگەن، ال جاسالعان جۇمىستاردىڭ بارلىعىنىڭ شىعىنىن جىگىت ءوزى تولەگەن. ءسوز سالعاندا كەلىسكەن سۋرەت، ۆيدەو بارلىعى بار. قىزدىڭ ءوز ەركىمەن كەلگەنىن دالەلدەيتىن سۋرەت، ۆيدەو، قولحات بارلىق دالەلدەر بولسا دا، ءىس شىمكەنت قالاسىنىڭ پوليتسيا دەپارتامەنتىندە دۇرىس قارالماي جاتىر. ۇلىتاۋ وبلىسىنىڭ تۋمالارى جولدىباي نۇرسۇلتان مەن نۇركامال ەراسىلدى جازىقسىزدان جازىقسىز قاماپ تاستادى.
وسى ءىستى ناقتى دەرەكتەر مەن دالەلدەرگە سۇيەنە وتىرىپ، اراشا تۇسۋىلەرىڭىزدى سۇرايمىز!» دەپ جازىلعان ۆيدەوداعى پاراقشاسىندا.

الايدا ۇلىتاۋ وبلىسىنا كەلىن بولىپ تۇسكەننەن كەيىن نەكەگە قاتىستى ۇستانىمىن وزگەرتكەنى تۋرالى مالىمەت تاراعان.

جاعدايعا قاتىستى شىمكەنت قالاسى پوليتسيا دەپارتامەنتى رەسمي تۇسىنىكتەمە بەردى.

ۆەدومستۆو مالىمەتىنشە، بويجەتكەندى نەكەگە تۇرۋعا ماجبۇرلەۋ دەرەگى بويىنشا قىلمىستىق ءىس قوزعالعان.

الدىن الا مالىمەت بويىنشا، ارىزدانۋشىنى شىمكەنتتەگى دەمالىس ورىندارىنىڭ بىرىنەن ەركىنەن تىس الىپ كەتىپ، نەكەگە تۇرۋعا ماجبۇرلەگەن.

- جۇرگىزىلگەن ءىس-شارالار ناتيجەسىندە ەكى كۇدىكتىنىڭ جەكە باسى انىقتالىپ، ولار ۋاقىتشا ۇستاۋ يزولياتورىنا قامالدى، - دەلىنگەن پوليتسيا حابارلاماسىندا.

قازىرگى ۋاقىتتا وقيعانىڭ بارلىق ءمان-جايىن انىقتاۋعا باعىتتالعان قاجەتتى تەرگەۋ ارەكەتتەرى جۇرگىزىلىپ جاتىر.