21:44, 26 - قاراشا 2024 | GMT +5
شىڭجاڭدىق ەكى قازاق بالۋان وڭتۇستىك كورەياداعى تۋرنيردە توپ جاردى
استانا. KAZINFORM - قىتايدىڭ شىڭجاڭ-ۇيعىر اۆتونوميالىق ولكەسىندەگى (ش ۇ ا و) ۇلتى قازاق بالۋاندار ساندجۋ قالاسىندا (وڭتۇستىك كورەيا) كۇرەس تۇرلەرىنەن وتكەن Korea Open حالىقارالىق تۋرنيرىنىڭ جەڭىمپازى اتاندى.
شىڭجاڭ راديو جانە تەلەۆيدەنيە ستانتسياسىنىڭ حابارلاۋىنشا، كابيران ابۋشايمان ۇلى ەركىن كۇرەستەن ەرلەر ارانسىندا 97 كەلى سالماقتا چەمپيون اتانسا، ءۋاليحان سەرىك ۇلى ەرلەر اراسىندا گرەك-ريم كۇرەسىنەن 67 كەلى سالماقتا توپ جاردى.
ايتا كەتەيىك، ءۋاليحان سەرىك ۇلى توكيودا وتكەن جازعى وليمپيادا ويىندارىنىڭ قولا جۇلدەگەرى. ال كابيران ابۋشايمان ۇلى 2024-جىلعى پاريج وليمپياداسىنىڭ قاتىسۋشىسى.
بۇعان دەيىن حابارلاعانىمىزداي، قازاقستاندىق سپورتشىلار بۇل جارىستا التى مەدال جەڭىپ الدى.
اۆتور مۇحتار قاليموللا
