شىعىس قازاقستانداعى قۇرىلىس كومپانيالارى 200 دەن استام ۇلەسكەردەن زاڭسىز اقشا تارتقان

وسكەمەن. KAZINFORM - شىعىس قازاقستان وبلىسىنداعى قۇرىلىس كومپانيالارى 200 دەن استام ۇلەسكەردەن زاڭسىز اقشا تارتقانى انىقتالدى.

Строительство, құрылыс
Фото: Мухтор Холдорбеков / Kazinform

ش ق و مەملەكەتتىك ساۋلەت- قۇرىلىس باقىلاۋ باسقارماسىنىڭ مالىمەتىنە سۇيەنسەك، بۇگىندە وبلىس بويىنشا 73 كوپقاباتتى تۇرعىن ءۇيدىڭ قۇرىلىسى جۇرگىزىلۋدە. ونىڭ ىشىندە 20 ءۇي بيۋدجەت قاراجاتى ەسەبىنەن، 53 ءۇي جەكە ينۆەستورلاردىڭ قاراجاتىنا سالىنىپ جاتىر.

- قۇرىلىس كومپانيالارى اراسىندا ۇلەسكەرلەردەن زاڭسىز اقشا تارتقاندار بار. سونىڭ سالدارىنان 200 دەن استام ازامات زارداپ شەكتى. ق ر «تۇرعىن ءۇي قۇرىلىسىنا ۇلەستىك قاتىسۋ تۋرالى» زاڭى ۇلەسكەرلەردىڭ قاراجاتىن تارتۋدى قاتاڭ رەتتەيدى. الايدا تاجىريبە كورسەتكەندەي، قۇرىلىس كومپانيالارى بۇل تالاپتاردى ورىندامايدى، - دەيدى باسقارما باسشىسىنىڭ ورىنباسارى سامات قايىردينوۆ.

ونىڭ ايتۋىنشا، زاڭ بۇزعان قۇرىلىس كومپانيالارىنا اكىمشىلىك ءىس قوزعالدى. ولاردىڭ قاتارىندا «Ray Residense»  «Park Line»، «Renesans 3» ، «Tumar Towers» ، «Viva Park» ، «كريستال» ، «Grand Residense» كومپانيالارى بار. ال «Royal Finance Group» ج ش س جانە «elit Stroy Group» ج ش س اكىمشىلىك جاۋاپكەرشىلىككە تارتىلدى.

 

سوڭعى جاڭالىقتار