شىعىس قازاقستانداعى جەر ۇيلەردە پەش جاعۋدا قاۋىپسىزدىك ەرەجەلەرىن بۇزۋدىڭ 7 مىڭنان استام فاكتىسى تىركەلدى

وسكەمەن. KAZINFORM - شىعىس قازاقستان وبلىسىندا جەر ۇيلەردە ءورت قاۋىپسىزدىگى تالاپتارىن بۇزۋدىڭ 16 مىڭنان استام فاكتىسى تىركەلىپ وتىر. ونىڭ ىشىندەگى 7 مىڭنان استامى پەش جاعۋعا قاتىستى.

ش ق و ت ج د قىزمەتكەرلەرى جىلىتۋ ماۋسىمى باستالعالى تۇرعىن ءۇي سەكتورىن ءجيى ارالاپ، قاۋىپسىزدىك ەرەجەلەرىنىڭ ساقتالۋىن تەكسەرۋدە. وسى ۋاقىتقا دەيىن پەش جاعىپ وتىرعان 57 مىڭنان استام ۇيگە باقىلاۋ جاسالدى.

اسىرەسە كوپبالالى وتباسىلارعا، زەينەتكەرلەر مەن مۇمكىندىگى شەكتەۋلى جاندار تۇراتىن ۇيلەرگە باسا نازار اۋدارىلدى. قۇتقارۋشىلار پەشتى جانە بىتەلگەن مۇرجانى قالاي تازالاۋ كەرەكتىگىن ءتۇسىندىردى.

«ۇيلەردى ارالاۋ كەزىندە ءورت قاۋىپسىزدىگى تالاپتار بۇزۋدىڭ 16 مىڭنان استام فاكتىسى انىقتالدى. ونىڭ ىشىندە 7145 ى - پەشكە بايلانىستى، 6311 ى ەلەكتر جەلىلەرى مەن ەلەكتر جابدىقتارىن پايدالانۋعا قاتىستى، ال 2987 ى باسقا بۇزۋشىلىقتار. ت ج د قىزمەتكەرلەرىنىڭ ۇسىنىمدارىمەن تۇرعىندار 13090 بۇزۋشىلىقتى سول جەردە جويدى»، - دەپ حابارلادى دەپارتامەنتتىڭ باسپا ءسوز قىزمەتىنەن.

ايتا كەتەيىك، وبلىستا كوپبالالى وتباسىلاردىڭ جانە قارتتاردىڭ ۇيلەرىندە ۋلى گازدى انىقتايتىن داتچيكتەر ورناتىلىپ جاتىر. سوڭعى بىرنەشە جىلدا ۋاقتىلى ىسكە قوسىلعان وسى قۇرىلعىلاردىڭ ارقاسىندا 42 ادام قۇتقارىلعان.

ەسكە سالساق، بۇعان دەيىن شىعىس قازاقستان وبلىسى زايسان اۋدانىندا 600 توننا ءشوپ وتقا ورانعانى حابارلانعان.