شىعىس قازاقستاندا تەرروريزمدى ناسيحاتتادى دەگەن كۇدىكپەن 18 جاستاعى جىگىت ۇستالدى
بۇگىن، 27- جەلتوقساندا ۇلتتىق قاۋىپسىزدىك كوميتەتى تەرروريزمدى ناسيحاتتادى دەگەن كۇدىكپەن شىعىس قازاقستان وبلىسىنىڭ 18 جاستاعى تۇرعىنىن ۇستادى، دەپ حابارلايدى Kazinform.
تەرگەۋ بارىسىندا ونىڭ تۇرعىلىقتى جەرىنەن ءدىني ادەبيەتتەر تاركىلەندى.
قىلمىستىق كودەكستىڭ 256-بابى 2-بولىگى بويىنشا سوتقا دەيىنگى تەرگەۋ ءجۇرىپ جاتىر.
بۇرىن ۇستالعان ادامعا قىلمىستىق قۋدالاۋعا اكەپ سوعۋى مۇمكىن زاڭسىز ارەكەتكە جول بەرمەۋ جونىندە بىرنەشە رەت ەسكەرتىلگەن.
وعان رەسمي ساقتاندىرۋ جاريالانعان.
الدىن الۋ شارالارىنا قاراماستان ول قىلمىستىق ارەكەتىن جالعاستىرا بەردى.
قىلمىستىق-پروتسەستىك كودەكستىڭ 201-بابىنىڭ 1-بولىگىنە سايكەس وزگە اقپارات جاريالانبايدى.
ۇلتتىق قاۋىپسىزدىك كوميتەتى الەۋمەتتىك جەلىلەردە تاراتىلاتىن راديكالدى يدەولوگيانىڭ، اسىرەسە جاستارعا دەسترۋكتيۆتى اسەر ەتۋ ءقاۋپىن ەسكە سالادى.
ەكسترەميستىك مازمۇنداعى ينتەرنەت رەسۋرستارىنا كىرۋدەن باس تارتىپ، ال اتا-انالارعا بالالاردىڭ راديكالدى سايتتارعا دەگەن قىزىعۋشىلىعىنا جاۋاپكەرشىلىكپەن دەن قويعانى ءجون.
