شىعىس قازاقستاندا تاعى دا قار كوشكىنى ءتۇسىرىلدى
وسكەمەن. KAZINFORM - شىعىس قازاقستان وبلىسىندا قار كوشكىنىنىڭ الدىن الۋ جۇمىستارى جالعاسىپ جاتىر.
ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، «وسكەمەن- تاۋلى ءۇلبى- سولتۇستىك» تاسجولىنىڭ ۋچاسكەسىندە جاساندى جولمەن قار كوشكىنى جۇرگىزىلدى.
- تاۋدا بىرنەشە جارىلىس جاسالىپ، 3150 تەكشە مەتر قار ءتۇسىرىلدى. سودان سوڭ ارنايى تەحنيكالارمەن جول قاردان تولىقتاي تازارتىلدى، - دەلىنگەن اقپاراتتا.
ايتا كەتەيىك، «قازسەلدەنقورعاۋ» مەكەمەسىنىڭ ماماندارى تاۋلارعا مونيتورينگ جۇرگىزگەننەن كەيىن پروفيلاكتيكالىق ماقساتتا قار كوشكىنىن ءتۇسىرۋ قاجەتتىلىگى تۋرالى شەشىم قابىلداپ وتىرادى. ال ت ج د قىزمەتكەرلەرى جۇمىستاردىڭ قاۋىپسىزدىگىن قامتاماسىز ەتەدى.
ەسكە سالساق، وسىعان دەيىن شىعىس قازاقستاندا قار كوشكىنىنە قارسى جاڭا ءتاسىل قولدانىلعانى حابارلانعان.
