شىعىس قازاقستاندا ەڭ قىمبات جانە ارزان VIP نومىرلەر قانشا تۇرادى

وسكەمەن. KAZINFORM - شىعىس قازاقستان وبلىسىندا بيىل 396 ادام كولىگىنە ءساندى ءنومىر ساتىپ العان.

ءوڭىر بويىنشا VIP نومىرلەرگە سۇرانىس ارتقان. مۇنداي نومىرلەر ءۇشىن مەملەكەتتىك باجدىڭ قۇنى ارىپتەر مەن سانداردىڭ تاڭدالعان كومبيناتسياسىنا بايلانىستى. وتكەن جىلى شىعىس قازاقستان وبلىسىنىڭ اۆتوكولىك يەلەرى 247 ءساندى ءنومىر ساتىپ السا، بيىل 396 ءنومىر الىنعان.

- ەڭ ارزان VIP نومىرلەر 010، 020، 030، 040، 050، 060، 070، 077، 080، 090، 707 جانە تسيفرلىق بەلگىلەۋ نومىرلەرى بىردەي ءارىپتى نومىرلەر. ءار ءنومىردىڭ قۇنى 57 ا ە ك (210444 تەڭگە) . ەڭ قىمبات VIP نومىرلەرى 001، 002، 003، 004، 005، 006، 007، 008، 009، 777 بىردەي ارىپتىك بەلگىلەرمەن. ولاردىڭ قۇنى 285 ا ە ك (1052220 تەڭگە)، - دەيدى «ازاماتتارعا ارنالعان ۇكىمەت» كورپوراتسياسى ش ق و بويىنشا فيليالىنىڭ ديرەكتورى ازامات ەسەمبۋلوۆ.

ايتا كەتەيىك، اۆتوكولىك ساتىلعان جاعدايدا، يەسى ءنومىردى جاڭا كولىك ساتىپ العانعا دەيىن 6 ايعا دەيىن مامانداندىرىلعان ح ق ك و-دا ساقتاۋعا قالدىرا الادى.

ەسكە سالساق، وسىعان دەيىن ش ق و-دا سكۋتەر جۇرگىزۋشىسىن قاعىپ ولتىرگەن ەر ادام 2,5 جىلعا تۇرمەگە قامالعانى حابارلانعان.

اۆتور

تالعاتجان مۇحامەتبەك ۇلى