شىعىس قازاقستاندا قۇتقارۋشىلار تاۋدا 3 رەت جارىلىس جاسادى
وسكەمەن. KAZINFORM - شىعىس قازاقستان وبلىسىنداعى تاۋدا جارىلىس جاسالىپ، قار كوشكىنى ءتۇسىرىلدى.
ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، قار كوشكىنىنىڭ الدىن الۋ ءۇشىن تۇراقتى تۇردە مونيتورينگ جۇرگىزىلىپ جاتىر. سونىڭ ناتيجەسىندە، وسكەمەن-سامار تاسجولىنداعى تاۋ بەتكەيلەرىندە قاردىڭ كوپ جينالىپ قالعانى جانە جەل جىلدامدىعى كوبەيسە كوشكىن ءجۇرۋ قاۋپى بار ەكەندىگى انىقتالدى.
- سوعان بايلانىستى اتالعان تاسجول ۋچاسكەسىندە پروفيلاكتيكالىق قار كوشكىنى ءتۇسىرىلدى. بارلىعى 3 رەت جارىلىس جاسالىپ، تاۋدان 890 شارشى مەتر قار ماسساسى ءتۇستى، - دەپ حابارلادى ۆەدومستۆو وكىلدەرى.
وسى رەتتە، قۇتقارۋشىلار قالىڭ قار جاۋسا 3-5 كۇن ىشىندە، قاتتى جەل سوعىپ تۇرعاندا جانە ايازدان كەيىن كۇن جىلىتىپ كەتكەندە تاۋلى جەرلەرگە بارۋدان باس تارتۋعا كەڭەس بەردى. سەبەبى ونداي ۋاقىتتا قار كوشكىنى ءجۇرۋ ءقاۋپى كۇشەيە تۇسەدى.
ەسكە سالساق، وسىعان دەيىن الماتى كوشەلەرىنەن 45 مىڭ تەكشە مەتر قار شىعارىلعانى حابارلانعان.
