شىعىس قازاقستاندا قار كوشكىنى ءتۇسىرىلدى
وسكەمەن. KAZINFORM - شىعىس قازاقستان وبلىسىندا تاۋدا جارىلىس جاسالىپ، قار كوشكىنى ءتۇسىرىلدى.
قار كوشكىنىنىڭ الدىن الۋ شاراسى وبلىستىق ماڭىزى بار «وسكەمەن- سامار» تاسجولىنىڭ 132-137 شاقىرىمىندا جۇرگىزىلدى.
- «قازسەلدەنقورعاۋ» مەكەمەسىنىڭ ماماندارى اتالعان ۋچاسكەدەگى تاۋ بوكتەرىندە 4 رەت جارىلىس جاسادى. بارلىعى 1330 تەكشە مەتر قار ءتۇسىرىلدى. جول قاردان بىردەن تازارتىلدى. وسىلايشا قار كوشكىنىنىڭ وزدىگىنەن ءتۇسۋ قاۋپى ايتارلىقتاي ازايدى، - دەپ حابارلادى وبلىستىق توتەنشە جاعدايلار دەپارتامەنتىنىڭ باسپا ءسوز قىزمەتىنەن.
وسى رەتتە قۇتقارۋشىلار ءوڭىردىڭ تاۋلى جەرلەرىندە قار كوشكىنى ءتۇسۋى قاۋپى ءالى دە ساقتالىپ تۇرعانىن ەسكەرتتى.
- ەگەر جولدا قانداي دا ءبىر قيىندىققا تاپ بولساڭىزدار بىردەن «112» نومىرىنە قوڭىراۋ شالىڭىزدار، - دەپ ەسكە سالدى ۆەدومستۆو وكىلدەرى.
