شىعىس قازاقستاندا لاي كوشكىن ءجۇرىپ، جول جابىلدى

وسكەمەن. KAZINFORM - شىعىس قازاقستاندا وبلىسىندا جولعا لاي كوشكىن ءتۇستى. ش ق و اكىمى باسپا ءسوز قىزمەتىنىڭ مالىمەتىنە سۇيەنسەك، مارقاكولدە جولعا لاي كوشكىنى ءتۇستى.

«بۇگىن تاڭەرتەڭ وبلىستىق ماڭىزى بار «تەرەكتى- ۇرانحاي- ءتوسقايىڭ» جولىنىڭ 13 شاقىرىمىندا، ناقتى ايتقاندا «مرامورنوە» اسۋى ماڭىندا لاي كوشكىن جۇرگەن. بولعان جاعداي تۋرالى «وبلشىعىسجول» قىزمەتكەرلەرى جەدەل جەتكىزدى. قازىرگى ۋاقىتتا تۇرعىنداردىڭ قاۋىپسىزدىگى ماقساتىندا جول قوزعالىسى جابىلدى»، - دەلىنگەن اقپاراتتا.

وقيعا ورنىندا جەرگىلىكتى اتقارۋشى ورگاندار جانە توتەنشە جاعدايلار دەپارتامەنتىنىڭ قىزمەتكەرلەرى جۇمىس ىستەۋدە. جول قوزعالىسىن قايتا قالپىنا كەلتىرۋ جۇمىستارى بويىنشا اۋىر تەحنيكا جۇمىلدىرىلدى. پوليتسيا قىزمەتكەرلەرى كەزەكشىلىك ۇيىمداستىردى.

ايتا كەتەيىك، لاي كوشكىنى جاڭبىر مول جاۋىپ، قاردىڭ ەرۋى سالدارىنان بولعان.

اۆتور
تالعاتجان مۇحامەتبەك ۇلى