شىعىس قازاقستاندا ەكى جىگىت كوشەدە ەسىگى جوق كولىكپەن جۇرگەن

وسكەمەن. KAZINFORM - شىعىس قازاقستان وبلىسى زايسان قالاسىندا ەكى جىگىت كوشەدە ەسىگى جوق كولىكپەن جۇرگەن.

ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، وقيعا زايسان اۋدانىنىڭ ورتالىعىندا بولعان. پوليتسيا قىزمەتكەرلەرى بىردە-ءبىر ەسىگى جوق كولىكتى ايداپ كەلە جاتقان ەر ادامدى جاۋاپقا تارتتى. جول ءجۇرىسى قاعيدالارىن بۇزۋ ءساتى كەزدەيسوق ءوتىپ بارا جاتقان ادامداردىڭ بەينەروليگىنە ءتۇسىپ، كەيىننەن عالامتور جەلىسىندە كەڭىنەن تاراعان.

«زايسان قالاسى كوشەلەرىنىڭ بىرىندەگى جاستار الدىڭعى جانە ارتقى ەسىكتەرى جوق كولىكپەن ءجۇرىپ، وزدەرى ءۇشىن دە، اينالاسىنداعىلار ءۇشىن دە قاۋىپتى جاعداي تۋعىزعان. وسىلايشا، كولىك قۇرالدارىن پايدالانۋ ەرەجەلەرىن بۇزعان 20 جاستاعى جۇرگىزۋشى انىقتالىپ، اكىمشىلىك جاۋاپكەرشىلىككە تارتىلدى»، - دەلىنگەن اقپاراتتا.

وسى رەتتە، پوليتسيا قىزمەتكەرلەرى جول قوزعالىسىنىڭ بارلىق قاتىسۋشىلارىن جول ءجۇرىسى قاعيدالارىن قاتاڭ ساقتاۋعا شاقىرادى.

اۆتور
تالعاتجان مۇحامەتبەك ۇلى