شىعىس قازاقستاندا ەكولوگيانى بۇزعان كاسىپورىنعا 45 ميلليون تەڭگە ايىپپۇل سالىندى

айыппұл
فوتو: freepik.com

شىعىس قازاقستان وبلىسىندا ەكولوگيا زاڭناماسىن بۇزعان كاسىپورىنعا 45 ميلليون تەڭگەدەن استام ايىپپۇل سالىندى، دەپ حابارلايدى Kazinform.

ش ق و ەكولوگيا دەپارتامەنتىنە «كازسينك» ج ش س وسكەمەن مەتاللۋرگيا كەشەنىنىڭ ەكولوگيا زاڭناماسىن ساقتامايتىندىعىنا قاتىستى ارىز كەلىپ ءتۇستى. سوعان وراي كاسىپورىنعا جوسپاردان تىس تەكسەرۋ جۇرگىزىلدى.

دەپارتامەنت قىزمەتكەرلەرى كاسىپورىنعا بارىپ، مۇرجالارعا ولشەۋ جۇرگىزگەن. ناتيجەسىندە، زياندى شىعارىندىلارىنىڭ رۇقسات ەتىلگەن شەكتەن اسىپ كەتكەندىگى انىقتالدى.

«شىعارىندىلار كۇكىرت ديوكسيدى بويىنشا نورمادان 2,9 ەسە، كومىرتەگى وكسيدى بويىنشا 3,4 ەسە، كومىرقىشقىل گازى بويىنشا 1,2 ەسە ارتىق. وسىلايشا، وسكەمەن مەتاللۋرگيا كەشەنى وندىرىستىك قىزمەت بارىسىندا قورشاعان ورتاعا زالال كەلتىردى. باسقا دا بىرنەشە زاڭبۇزۋشىلىق تىركەلگەن. ەكولوگيالىق كودەكسكە سايكەس، كومپانياعا جالپى سوماسى 45319572 تەڭگە ايىپپۇل سالىندى»، - دەلىنگەن اقپاراتتا.

سوڭعى جاڭالىقتار