شىعىس قازاقستاندا جەر سىلكىندى

استانا. KAZINFORM – ق ر توتەنشە جاعدايلار مينيسترلىگىنە قاراستى سەيسميكالىق ستانسالار جەلىسى تاڭعى ساعات 7:44 تە جەر سىلكىنىسىن تىركەدى.

جەر سىلكىنىسىنىڭ وشاعى الماتىدان سولتۇستىك-شىعىسقا قاراي 915 شاقىرىم جەردە، قازاقستان اۋماعىندا ورنالاسقان.

جەر سىلكىنىسىنىڭ ەنەرگەتيكالىق كلاسى - 8,7. MPV ماگنيتۋداسى - 4.0. تەرەڭدىگى - 20 كيلومەتر. سەزىلۋى تۋرالى اقپارات (MSK-64 شكالاسى بويىنشا) جوق.

بۇعان دەيىن، 24-ساۋىردە شىعىس قازاقستان وبلىسى زايسان اۋدانى تاسباستاۋ اۋىلىنىڭ تۇرعىندارى ەكى بالدىق جەر سىلكىنىسىن سەزىنگەن ەدى.

الماتىلىق ستۋدەنتتەر جەر سىلكىنىسى كەزىندە ۇرەيسىز ءىس-ارەكەت جاساۋدى ۇيرەتەتىن سيمۋلياتور جاساعانىن جازعان بولاتىنبىز.