شىعىس قازاقستاندا فوتوتۇزاققا بۇلان ءتۇسىپ قالدى
وسكەمەن. KAZINFORM - «باتىس- التاي مەملەكەتتىك تابيعي قورىعى» ر م ك- دا ورنالاسترىلعان فوتوتۇزاققا ءىرى بۇلان ءتۇسىپ قالدى.
«بۇلان (لات. Alces) - بۇعىلار تۇقىمداسىنا جاتاتىن سۇتقورەكتى، وسى تۇقىمداستىڭ ەڭ ءىرى وكىلدەرى.
اتالىعىنىڭ دەنەسىنىڭ ۇزىندىعى ءۇش مەترگە دەيىن، بيىكتىگى 2,3 مەترگە دەيىن جەتەدى، قۇيرىعىنىڭ ۇزىندىعى 12-13 سانتيمەتر؛ سالماعى 360-600 كيلوگرام. انالىعى كىشىرەك. سىرتقى ءتۇرى بويىنشا بۇلان باسقا بۇعىلاردان ايتارلىقتاي ەرەكشەلەنەدى. ونىڭ دەنەسى مەن موينى قىسقا.
باسى ۇلكەن، وركەشتى، ۇستىڭگى ەرنى ءىلۋلى. تاماقتىڭ استىندا 25-40 س م جەتەتىن جۇمساق بىلعارى ءوسىندى ("سىرعا") بار. قىلشىق ءجۇن، قوڭىر- قارا؛ اياعى اشىق سۇر، اق ءتۇستى. الدىڭعى اياقتارىنداعى تۇياقتار ۇشكىر، بۇلانعا ولاردى قاسقىر نەمەسە ايۋ سياقتى جىرتقىشتارمەن قاقتىعىستاردا قارۋ رەتىندە پايدالانۋعا مۇمكىندىك بەرەدى.
اتالىقتارىندا ۇلكەن كۇرەك ءتارىزدى مۇيىزدەر بار؛ ولاردىڭ اۋقىمى 180 س م - گە جەتەدى، سالماعى 20-30 ك گ. كۇيلەۋ اياقتالعاننان كەيىن (قىركۇيەك-قازان ايلارىندا وتەدى)، بۇلان مۇيىزدەرىن تاستايدى. ءساۋىر- مامىر ايلارىندا جاڭالارى وسە باستايدى. انالىعى ءمۇيىزسىز»، - دەلىنگەن قورىقتىڭ Instagram پاراقشاسىنداعى جازبادا.
وسىعان دەيىن ەكولوگيا مينيسترلىگى فوتوتۇزاقتىڭ كومەگىمەن سۇتقورەكتىلەردىڭ بيوالۋانتۇرلىلىگىن زەرتتەۋدى جوسپارلاپ وتىرعانى تۋرالى جازدىق.
