شىعىس قازاقستاندا «اڭساعان ءسابي» باعدارلاماسى بويىنشا العاشى ءسابي دۇنيەگە كەلدى
وسكەمەن. KAZINFORM - شىعىس قازاقستان وبلىسىندا «اڭساعان ءسابي» باعدارلاماسى بويىنشا بيىلعى العاشى ءسابي دۇنيەگە كەلدى.
ءوڭىر بويىنشا وسى جىلى «اڭساعان ءسابي» باعدارلاماسى بويىنشا ە ك ۇ جاساتۋعا 252 كۆوتا بولىنگەن. كوپتەن كۇتكەن العاشقى ءسابي قاراشا ايىندا دۇنيەگە كەلدى.
وسكەمەندىك ەرلى-زايىپتى ءۇش جىل بويى بەدەۋلىك بويىنشا ەسەپتە تۇرعان. سودان سوڭ كومەكشى رەپرودۋكتيۆتى تەحنولوگيانىڭ كومەگىنە جۇگىنىپ، ە ك ۇ جاساتتى. وسىلايشا، 27 جاستاعى ايەل جۇكتى بولىپ، قىز تۋدى. نارەستەنىڭ سالماعى - 3050 گرام، بويى - 48 سانتيمەتر.
وسى رەتتە، ش ق و دەنساۋلىق ساقتاۋ باسقارماسىنىڭ باس رەپرودۋكتولوگى ناديرا سليامحانوۆا اڭساعان ءسابي» باعدارلاماسى بويىنشا ە ك ۇ جاساتقىسى كەلگەندەرگە نە ىستەۋ كەرەكتىگىن ءتۇسىندىرىپ بەردى.
«پاتسيەنت م ءا م س شەڭبەرىندە رەپرودۋكتيۆتى تەحنولوگيالار بويىنشا قىزمەت كورسەتەتىن مەديتسينالىق ۇيىمدى ءوز بەتىنشە تاڭدايدى. سودان كەيىن جوعارى تەحنولوگيالىق مەديتسينالىق قىزمەتتەر كوميسسياسىنىڭ قورىتىندىسىن الۋ ءۇشىن تىركەلگەن جەرى بويىنشا ءوزىنىڭ ۋچاسكەلىك دارىگەرىنە جۇگىنۋى قاجەت. ۋچاسكەلىك دارىگەر پاتسيەنتتى بەدەۋلىكتەن زارداپ شەگەتىن ديسپانسەرلىك ناۋقاستاردىڭ ەلەكتروندى رەگيسترىنە ەنگىزەدى. ءتيىستى تەكسەرۋدەن وتكەننەن كەيىن جانە بەدەۋلىكتىڭ سەبەپتەرىن انىقتاعاننان سوڭ 12 اي ىشىندە بەيىندى ماماننىڭ قورىتىندىسى نەگىزىندە ۋچاسكەلىك دارىگەر م ءا م س ەسەبىنەن كومەكشى رەپرودۋكتيۆتى تەحنولوگيالاردى جۇرگىزۋ تۋرالى ماسەلەنى شەشۋ ءۇشىن پاتسيەنتتىڭ قۇجاتتارىن جوعارى تەحنولوگيالىق مەديتسينالىق قىزمەتتەر جونىندەگى كوميسسياعا جىبەرەدى»، - دەيدى ول.
وڭ شەشىم قابىلدانعان كەزدە گوسپيتاليزاتسيا بيۋروسىنىڭ پورتالىندا پاتسيەنت قۇجاتتاردىڭ تولىق پاكەتىمەن تىركەلەدى. وعان قىزمەتتەردى الۋدىڭ كۇنى مەن ۋاقىتى ايتىلادى.
ەسكە سالساق، وسىعان دەيىن اتىراۋ وبلىسىندا «اڭساعان ءسابي» باعدارلاماسىمەن ەكستراكورپورالدى ۇرىقتاندىرۋعا 231 كۆوتا بولىنگەنى حابارلانعان.
