شىعىس قازاقستان تۇرعىنىنىڭ كولىگىنەن 230 كەلى ءتىرى شايان تابىلدى

шаян
Фото: Фото: ШҚО полиция департаменті

شىعىس قازاقستان وبلىسى كۇرشىم اۋدانىنىڭ تۇرعىنىنان 230 كەلىدەن استام ءتىرى شايان تاركىلەندى، دەپ حابارلايدى kazinform.

ءتارتىپ ساقشىلارى «براكونەر» جەدەل الدىن الۋ شاراسى بارىسىندا بۇقتىرما سۋ قويماسى ۋچاسكەلەرىنىڭ ءبىرىنىڭ جاعاسىندا «ۆاز-2121» اۆتوكولىگىن توقتاتتى.

انىقتالعانداي، كولىك تىزگىنىندەگى 44 جاستاعى جەرگىلىكتى تۇرعىن ءتىرى شاياندى زاڭسىز تاسىمالداعان.

«كولىكتەن 10 قاپقا سالىنعان جالپى سالماعى 230 كەلىدەن اساتىن ءتىرى شايان تابىلدى. وسىنىڭ سالدارىنان مەملەكەتكە كەلتىرىلگەن ماتەريالدىق زالال مولشەرى 1452000 تەڭگەنى قۇرايدى» ، - دەپ حابارلادى شقو پوليتسيا دەپارتامەنتىنىڭ باسپا ءسوز قىزمەتى.

جاۋاپ الۋ كەزىندە ەر ادام شاياندى بەلگىسىز ادامداردان ساتىپ العانىن، سودان كەيىن ونى كولىككە تيەپ، ساتۋ ءۇشىن وسكەمەن قالاسىنا جولعا شىقپاق بولعانىن جەتكىزدى.

قازىرگى ۋاقىتتا اتالعان فاكتى بويىنشا ق ر ق ك- ءنىڭ 335-بابى 1-بولىگىمەن سوتقا دەيىنگى تەرگەۋ امالدارى ءجۇرىپ جاتىر.

سوڭعى جاڭالىقتار