شىعىس قازاقستاندا زاڭسىز التىن وندىرگەندەر سوتتالدى

ناقتىراق ايتساق، ق م ا مالىمەتىنشە، وسكەمەن قالاسىندا «ازاماتتارعا ارنالعان ۇكىمەت» مەملەكەتتىك كورپوراتسياسى ك ە ا ق فيليالى ديرەكتورىنىڭ بۇرىنعى ورىنباسارى ا. ا. راحىمجانوۆ پەن د. م. نۇرتازين 4 جىلعا باس بوستاندىعىنان ايىرىلعان.

التىن قالاي وندىرىلگەن؟

ولار ۇلان اۋدانىنداعى شىبىندى ۋچاسكەسىندە التىندى زاڭسىز ءوندىرۋ سحەماسىن ۇيىمداستىرعان. وسى ماقساتتا وزدەرىنە باعىنىشتى EastGoldStone ج ش س- نى پايدالانعان. بۇل سەرىكتەستىكتىڭ قاتتى پايدالى قازبالاردى بارلاۋعا عانا ليسەنزياسى بولعان. التىن اۋىر تەحنيكانىڭ - ەكسكاۆاتورلار، تيەگىشتەر، سونداي-اق، جۋۋ جابدىعىنىڭ كومەگىمەن وندىرىلگەن.

قۇنى 382 ميلليون تەڭگە بولاتىن التىن مەن كۇمىس تاركىلەندى

زاڭسىز وندىرىلگەن التىن كولەمى 15 كەلىدەن اسقان، ونىڭ قۇنى 844 ميلليون تەڭگەدەن جوعارى. تەرگەۋ بارىسىندا قۇنى 382 ميلليون تەڭگە بولاتىن 6,7 كەلى التىن، 579 گرام كۇمىس تاركىلەنگەن. قىلمىستىق ارەكەت قورشاعان ورتاعا ەلەۋلى زيان كەلتىرگەن. بۇلىنگەن جەر اۋماعى - 18,2 گەكتار.

سونىمەن قاتار، زاڭسىز ارەكەت بارىسىندا مەملەكەتتىك ورمان قورىنا جاتاتىن اعاشتار مەن بۇتالار جويىلعان. ەكولوگيالىق زالالدى جويۋعا قاجەت جۇمىستاردىڭ قۇنى 300 ميلليون تەڭگەدەن اسادى.

سوت شەشىمىمەن قۇنى 372 ميلليون تەڭگە بولاتىن مۇلىك تاركىلەندى. ونىڭ ىشىندە 4 جۇك كولىگى، 2 ەكسكاۆاتور، 2 تيەگىش، گيدروجۋۋ قۇرىلعىسى، سونداي-اق، 10 ميلليون تەڭگە جانە 56 مىڭ ا ق ش دوللارى كولەمىندەگى قولما-قول اقشا بار. ۇكىم زاڭدى كۇشىنە ەنگەن جوق.