شىڭعىس ايتماتوۆتىڭ قارىنداسى روزا ايتماتوۆا دۇنيەدەن ءوتتى
استانا. KAZINFORM - قىرعىزستاننىڭ قوعام قايراتكەرى روزا ايتماتوۆا 89 جاسىندا ومىردەن وزدى. بۇل تۋرالى قازاقپارات اگەنتتىگىنىڭ بىشكەكتەگى مەنشىكتى ءتىلشىسى حابارلادى.
روزا (روزەتتا) ايتماتوۆا - مەملەكەت جانە قوعام قايراتكەرى تورەقۇل ايتماتوۆتىڭ قىزى، الەمگە ايگىلى جازۋشى شىڭعىس ايتماتوۆتىڭ قارىنداسى.
ول قىرعىزستاننىڭ ءبىلىم بەرۋ سالاسىنا ەڭبەگى سىڭگەن قىزمەتكەر، فيزيكا-ماتەماتيكا عىلىمدارىنىڭ كانديداتى بولعان. سونداي-اق «ايەلدەرگە كومەك كورسەتۋ ورتالىعىن» باسقارىپ، ايەلدەردىڭ قۇقىقتارىن قورعاۋعا جانە ايەلدەر كوشباسشىلىعىن دامىتۋعا بەلسەنە اتسالىسقان.
روزا ايتماتوۆا مادەنيەت پەن اعارتۋ سالاسىنا قوسقان ۇلەسى ءۇشىن شىڭعىس ايتماتوۆ اتىنداعى سىيلىقتىڭ لاۋرەاتى اتانعان.
ەسكە سالا كەتەيىك، بەلگىلى قىرعىز جازۋشىسى شىڭعىس ايتماتوۆتىڭ قارىنداسى روزا ايتماتوۆا قىرعىزستان ۇكىمەتىنە جازۋشىنىڭ 2028 -جىلى جوسپارلانعان 100 جىلدىعىن تويلاماۋدى سۇراپ، ءوتىنىش جولداعان بولاتىن.
ءوتىنىشتىڭ سەبەبى - ينتەرنەتتە جانە قوعامدا قايتىس بولعان جازۋشىنىڭ اتىنا قاتىستى تەرىس اقپاراتتاردىڭ تارالۋى.
