شي جينپيڭ 23-25-قىركۇيەك ارالىعىندا ا ق ش- قا بارادى
استانا. KAZINFORM – ق ح ر ءتوراعاسى شي جينپيڭ 23-25-قىركۇيەك ارالىعىندا ا ق ش- قا مەملەكەتتىك ساپارمەن بارادى، دەپ حابارلايدى بەيجىڭدەگى Kazinform اگەنتتىگىنىڭ مەنشىكتى ءتىلشىسى.
بۇل تۋرالى دۇيسەنبىدە وتكەن باسپا ءسوز ءماسليحاتىندا قحر سىرتقى ىستەر مينيسترلىگىنىڭ رەسمي وكىلى گو جياكۋن حابارلادى. ونىڭ ايتۋىنشا، ساپار ا ق ش پرەزيدەنتىنىڭ شاقىرۋىمەن وتەدى.
- ساپار بارىسىندا شي جينپيڭ مەن دونالد ترامپ قىتاي-ا ق ش قاتىناستارىنىڭ وزەكتى ماسەلەلەرىن تالقىلاپ، الەمدەگى بەيبىتشىلىك پەن جاھاندىق دامۋ باعىتتارى بويىنشا جان-جاقتى پىكىر الماسادى، - دەدى گو جياكۋن.
ونىڭ ايتۋىنشا، مەملەكەت باسشىلارى اراسىنداعى ديپلوماتيالىق بايلانىس قىتاي-ا ق ش قاتىناستارىن ستراتەگيالىق تۇرعىدان دامىتۋدا ايرىقشا ماڭىزدى ءرول اتقارادى. ال التى اي ىشىندە ەكى ەل كوشباسشىسىنىڭ ءوزارا كەزدەسۋى - تاريحتاعى ماڭىزدى بەلەس.
- قىتاي ا ق ش- پەن بىرگە ەكىجاقتى قاتىناستاردى سىندارلى ستراتەگيالىق تۇراقتىلىق نەگىزىندە دامىتۋعا، ديالوگ پەن ىنتىماقتاستىقتى نىعايتۋعا، كەلىسپەۋشىلىكتەردى دۇرىس رەتتەۋگە جانە ەكى ەل حالىقتارىنىڭ ءال-اۋقاتىن ودان ءارى ارتتىرۋعا نيەتتى. سونىمەن قاتار الەمدە بەيبىتشىلىك، تۇراقتىلىق پەن وركەندەۋدى ىلگەرىلەتۋگە كۇش سالادى، - دەدى ديپلومات.
بۇعان دەيىن ترامپتىڭ قىتايعا ساپارىن اياقتاعانى حابارلانعان بولاتىن.
