شي جينپيڭدى اقوردادا قارسى الۋ ءراسىمىن Jibek Joly مەن Silk Way تىكەلەي ەفيردە كورسەتەدى
استانا. KAZINFORM - قازاقستان رەسپۋبليكاسىنا مەملەكەتتىك ساپارمەن كەلگەن قىتاي حالىق رەسپۋبليكاسىنىڭ ءتوراعاسى شي جينپيڭدى اقوردادا سالتاناتتى قارسى الۋ ءراسىمىن قازاقستاندىق ەكى تەلەارنا تىكەلەي ەفيردە كورسەتەدى.
JIbek Joly جانە Silk Way تەلەارنالارىندا تىكەلەي ەفير ساعات 10.00 دە باستالادى. سونداي- اق ترانسلياتسيانى Kazinform سايتىنان دا كورۋگە بولادى.
بۇعان دەيىن حابارلانعانىنداي، پرەزيدەنت قاسىم-جومارت توقايەۆتىڭ شاقىرۋىمەن قىتاي حالىق رەسپۋبليكاسىنىڭ ءتوراعاسى شي جينپيڭ قازاقستانعا مەملەكەتتىك ساپارمەن كەلدى. مەملەكەت باسشىسى مارتەبەلى مەيماندى ەلوردا اۋەجايىندا قارسى الدى.
اۋەجايداعى قارسى الۋ سالتاناتىندا بىرنەشە قازاق بالاسى قىتاي تىلىندە ءان شىرقاپ، جىلى لەبىزىن جەتكىزدى. ق ح ر ءتوراعاسى بالالارعا ريزاشىلىعىن ءبىلدىرىپ، بولاشاقتا قىتايدىڭ جوعارى وقۋ ورىندارىندا ءبىلىم الۋعا شاقىردى.
سونداي- اق شي جينپيڭ شانحاي ىنتىماقتاستىق ۇيىمىنا مۇشە مەملەكەتتەر باسشىلارى كەڭەسىنىڭ 24-وتىرىسىنا قاتىسادى.
ءبىر-بىرىنە باستى ساۋدا-ەكونوميكالىق سەرىكتەسكە اينالعان قوس مەملەكەتتىڭ باسشىلارىنىڭ كەزدەسۋىندە قانداي ءمان بار؟ Kazinform ءتىلشىسىنىڭ ساراپتاماسىن وقي وتىرىڭىز.
