شي جينپيڭ ترامپپەن تەلەفون ارقىلى سويلەستى
استانا. KAZINFORM - جۇما كۇنى قىتاي ءتوراعاسى شي جينپيڭ ا ق ش- تىڭ جاڭادان سايلانعان پرەزيدەنتى دونالد ترامپپەن تەلەفون ارقىلى سويلەستى، دەپ جازادى شينحۋا.

قىتاي مەن ا ق ش ەكى ەلدىڭ جانە الەمنىڭ يگىلىگى ءۇشىن سەرىكتەس ءارى دوس بولا الادى. بۇل تۋرالى قىتاي ءتوراعاسى شي جينپيڭ ا ق ش- تىڭ جاڭادان سايلانعان پرەزيدەنتى دونالد ترامپپەن تەلەفون ارقىلى سويلەسكەن كەزدە ايتتى.
شي جينپيڭ ترامپ قىزمەتىنە كىرىسكەننەن كەيىن قىتاي-امەريكا قارىم-قاتىناستارىنىڭ ودان سايىن جاقسارا تۇسەتىنىنە سەنىم ءبىلدىردى.
«قىتاي-امەريكا ساۋدا-ەكونوميكالىق قارىم-قاتىناسىنىڭ ءمانى ءوزارا تيىمدىلىك پەن ورتاق پايدا تابۋدا جاتىر»، - دەپ كەلتىرەدى شينحۋا ق ح ر باسشىسىنىڭ سوزدەرىن.
ءوز كەزەگىندە شي جينپيڭ قىتاي مەن امەريكا قۇراما شتاتتارى سەرىكتەس ەكى ەلدىڭ جانە جالپى الەم ەلدەرىنىڭ يگىلىگى ءۇشىن كوبىرەك ماعىنالى جانە يگى ىستەر جاساۋعا ۇمتىلاتىنىن جەتكىزدى.
ەسكە سالا كەتەيىك، بۇعان دەيىن ا ق ش كونگرەسىندە گرەنلانديانى ساتىپ الۋ تۋرالى زاڭ جوباسى ۇسىنىلعانىن حابارلاعان ەدىك.