شي جينپيڭ جەمقورلىقپەن كۇرەستى كۇشەيتۋگە شاقىردى

  قىتاي كوممۋنيستىك پارتياسى ورتالىق كوميتەتىنىڭ (ق ك پ و ك) باس حاتشىسى شي جينپيڭ سوزىلىپ كەتكەن جەمقورلىقپەن كۇرەستە جەڭىسكە جەتۋگە شاقىردى.

قىتاي كوشباسشىسى بەيجىڭدە اشىلعان ق ك پ ورتالىق كوميسسياسىنىڭ ءتارتىپتى تەكسەرۋ بويىنشا پلەنارلىق وتىرىسىندا وسىنداي مالىمدەمە جاسادى، دەلىنگەن Xinhua مالىمدەمەسىندە، دەپ حابارلايدى Kazinform ءتىلشىسى.

- كەيىنگى 10 جىلدا قولعا الىنعان جەمقورلىقتىڭ الدىن الۋ ءىس-شارالارىنىڭ ارقاسىندا جەمقورلىققا قارسى كۇرەستە جەڭىسكە جەتىپ، بارلىق سالاداعى كونسوليداتسياعا قول جەتكىزدىك. سوعان قاراماستان جاعداي كۇردەلى ءارى قيىن بولىپ قالا بەرمەك. ءبىز جەمقورلىققا قارسى كۇرەستەگى جاڭا جاعداي مەن جاڭا ءۇردىستى انىق ءتۇسىنىپ، جەمقورلىق پايدا بولاتىن ورتا مەن جاعدايدى ءبىلىپ وتىرۋىمىز كەرەك،- دەپ جازدى شي جينپيڭ ءسوزىن Xinhua.

سونداي- اق شي جينپيڭ قارجى، مەملەكەتتىك كاسىپورىندار، ەنەرگەتيكا، مەديتسينا مەن ينفراقۇرىلىم جوبالارى سالالارىندا جەمقورلىقتى جويۋ بويىنشا كۇش بىرىكتىرۋگە شاقىردى.

2023-جىلعى قاڭتاردان قىركۇيەككە دەيىن قىتايدىڭ تارتىپتىك جانە باقىلاۋ ۆەدومستۆولارى 470 مىڭ ءىس قوزعادى، ولارعا ق ك پ و ك ۇيىمداستىرۋ بولىمىندە تىركەلگەن 54 لاۋازىمدى تۇلعانىڭ قاتىسى بار بولىپ شىقتى.

وتكەن جىلدىڭ ەكى ايىندا 405 مىڭ ادام جازاسىن وتەدى، ونىڭ 34 ءى - وڭىرلىك نەمەسە مينيسترلىك دەڭگەيىندەگى لاۋازىمدى تۇلعا.