شي جينپيڭ ا ق ش- تى ءبىرجاقتى ساۋدا شەكتەۋلەرىن ەنگىزۋدەن باس تارتۋعا شاقىردى
استانا. KAZINFORM - قىتاي امەريكا تاراپى ا ق ش- قا ينۆەستيتسيا سالىپ جاتقان قىتايلىق كاسىپورىندار ءۇشىن ءادىل، الالامايتىن بيزنەس- ورتا قالىپتاستىرادى دەگەن ۇمىتتە. بۇل تۋرالى ق ح ر ءتوراعاسى شي جينپيڭ ا ق ش پرەزيدەنتى دونالد ترامپپەن تەلەفون ارقىلى بولعان اڭگىمە بارىسىندا ءمالىم ەتتى، دەپ حابارلايدى Kazinform مەنشىكتى ءتىلشىسى.
ونىڭ ءسوزى قىتايدىڭ سىرتقى ىستەر ۆەدومستۆوسىنىڭ سايتىندا جاريالاندى.
- TikTok ماسەلەسىنە قاتىستى قىتايدىڭ ۇستانىمى تۇسىنىكتى. ق ح ر ۇكىمەتى كورپوراتسيانىڭ نيەتىن قۇرمەتتەيدى جانە مۇددەلەردىڭ تەپە- تەڭدىگىن ساقتاي وتىرىپ، قىتاي زاڭدارى مەن ەرەجەلەرىنە سايكەس كەلەتىن ءتيىستى شەشىم قابىلداۋ ءۇشىن نارىق تالابىنا ساي كومممەرتسيالىق كەلىسسوزدەر جۇرگىزۋدى قولدايدى، - دەپ كەلتىردى شي جينپيڭ مالىمدەمەسىن قىتاي س ءى م سايتى.
شي جينپيڭ قىتاي مەن ا ق ش اراسىنداعى قاتىناستاردىڭ ماڭىزدىلىعىن اتاپ ءوتتى. ءبىزدىڭ ساۋدا- ەكونوميكالىق ماسەلەلەر بويىنشا كوماندالارىمىزدىڭ اراسىندا جۋىردا بولعان كونسۋلتاتسيالار تەڭدىك رۋحى مەن ءوزارا قۇرمەتتى كورسەتتى.
- ا ق ش- تىڭ كوپتەگەن كەلىسسوزدەردىڭ بارىسىندا قول جەتكىزىلگەن جەتىستىكتەردىڭ ناتيجەسىن جوققا شىعاراتىن ءبىرجاقتى ساۋدا شەكتەۋلەرىن ەنگىزۋدەن باس تارتقانى دۇرىس، - دەپ كەلتىردى قىتاي ءتوراعاسىنىڭ ءسوزىن س ءى م رەسمي سايتى.
قىتاي سىرتقى ىستەر مينيسترلىگىنىڭ سايتى كەلتىرگەن ا ق ش پرەزيدەنتى دونالد ترامپتىڭ سوزىنشە، امەريكا تاراپى قىتايمەن ۇزاقمەرزىمدى جانە بەرىك قارىم- قاتىناستى قولداۋعا ۇمتىلادى. ۆاشينگتون ەكىجاقتى ەكونوميكالىق جانە ساۋدا ىنتىماقتاستىعىن دامىتۋعا تىرىسادى، ەكى كوماندا اراسىندا بولىپ جاتقان كونسۋلتاتسيالارعا قولداۋ كورسەتەدى جانە TikTok ماسەلەسىنىڭ دە ءتيىمدى شەشىمىن تابۋعا تىرىسىپ جاتىر.
- ا ق ش بۇكىل الەمدە بەيبىتشىلىكتى ساقتاۋ ءۇشىن قىتايمەن بەيبىت قارىم- قاتىناستا بولۋ جولىندا جۇمىس ىستەيدى، - دەپ كەلتىردى قىتاي سىرتقى ىستەر مينيسترلىگىنىڭ سايتى اق ش پرەزيدەنتىنىڭ ءسوزىن.
