شي جينپيڭ 5 جىلدا العاش رەت ەۋروپاعا بارادى

Си Цзиньпин
فوتو: fmprc.gov.cn

استانا. KAZINFORM - قىتاي ءتوراعاسى شي جينپيڭ 5-10-مامىر ارالىعىندا فرانسيا، سەربيا جانە ۆەنگرياعا مەملەكەتتىك ساپارمەن بارادى. بۇل تۋرالى ق ح ر سىرتقى ىستەر مينيسترلىگىنىڭ سايتىنداعى حابارلامادا ايتىلعان.

«بۇل ساپار قىتاي مەملەكەتى باسشىسىنىڭ ەۋروپاعا سوڭعى بەس جىلداعى العاشقى ساپارى بولادى جانە قىتايدىڭ فرانسيامەن، سەربيامەن جانە ۆەنگريامەن قارىم-قاتىناستارىن جانە تۇتاستاي العاندا قىتاي- ەۋروپا قارىم- قاتىناستارىن ودان ءارى دامىتۋ ءۇشىن ۇلكەن ماڭىزعا يە»، - دەدى كەزەكتى بريفينگ بارىسىندا قىتاي سىرتقى ىستەر مينيسترلىگىنىڭ رەسمي وكىلى لين جيان.

ونىڭ ايتۋىنشا، شي جينپيڭ فرانسياعا ساپارى بارىسىندا ەممانيۋەل ماكرونمەن قىتاي-فرانسيا جانە قىتاي- ەۋروپا قارىم-قاتىناستارى، سونداي-اق ەكى تاراپتى دا قىزىقتىراتىن وزەكتى حالىقارالىق جانە ايماقتىق ماسەلەلەر بويىنشا كەلىسسوزدەر جۇرگىزىپ، تەرەڭ پىكىر الماسادى.

سەربيادا پرەزيدەنت الەكساندر ۆۋچيچپەن كەلىسسوزدەر جۇرگىزىلىپ، تاراپتار قىتاي-سەربيا بايلانىستارىنىڭ دەڭگەيىن ارتتىرۋ ماسەلەلەرىن تالقىلاپ، مەملەكەتارالىق قاتىناستاردىڭ بولاشاعىن دامىتۋ باعىتىن انىقتايدى.

لين جيان اتاپ وتكەندەي، ۆەنگريا - ورتالىق جانە شىعىس ەۋروپاداعى ماڭىزدى ەل جانە قىتايدىڭ «ءبىر بەلدەۋ، ءبىر جول» بىرلەسكەن قۇرىلىسى جانە قىتاي مەن ورتالىق جانە شىعىس ەۋروپا ەلدەرى اراسىنداعى ىنتىماقتاستىقتى ىلگەرىلەتۋدەگى ىنتىماقتاستىق سەرىكتەسى.

لين جيان حابارلاعانداي، ساپار بارىسىندا شي جينپيڭ ۆيكتور وربانمەن كەزدەسۋ بارىسىندا كەلىسسوزدەر جۇرگىزىپ، قىتاي-ۆەنگريا قارىم-قاتىناستارى مەن ءوزارا مۇددەلى ماسەلەلەردى تەرەڭىرەك تالقىلايدى.

اۆتور

زارينا تۋعانبايەۆا

سوڭعى جاڭالىقتار