شومىلۋ ماۋسىمى: قونايەۆقا كەلۋشىلەر بىلتىرعىدان 300 مىڭعا ارتقان

قونايەۆ. KAZINFORM - بيىل قاپشاعاي سۋ قويماسىنىڭ جاعالاۋىنا دەمالۋعا 1,5 ميلليون ادام كەلگەن. وتكەن جىلمەن سالىستىرعاندا دەمالۋشىلار سانى 300 مىڭعا كوبەيدى. بۇل تۋرالى قونايەۆ اكىمدىگىنىڭ باسپا ءسوز قىزمەتى حابارلادى.

жағажай
فوتو: قونايەۆ اكىمدىگى

قالا اكىمدىگىنىڭ مالىمەتىنە سايكەس، شاھارداعى 140 دەمالىس ورنى 840 ميلليون تەڭگەگە قىزمەت كورسەتكەن.

жағажай
فوتو: قونايەۆ اكىمدىگى

- بيىل «اق جايىق» دەمالىس ورنىنىڭ قوناق ءۇي كەشەنى قولدانىسقا بەرىلدى. الداعى ۋاقىتتا ينۆەستيسيالىق قارجىعا 9 دەمالىس نىسانى سالىنباق. تارتىلاتىن قاراجاتتىڭ جالپى كولەمى - 294,6 ميلليون تەڭگە. جاڭادان 2000-نان استام جۇمىس ورنى قۇرىلادى، - دەپ حابارلادى قونايەۆ اكىمدىگىنەن.

سونداي-اق، قالا باسشىلىعى شومىلۋ ماۋسىمى كەزىندە اشىق سۋدا جۇزۋدەن «Ocean Man» حالىقارالىق جارىسى، «Rock family fast» فەستيۆالى، «ASpan fest» كونسەرتى ۇيىمداستىرىلعانىن مالىمدەدى.

жағажай Қонаев
فوتو: قونايەۆ اكىمدىگى

ەسكە سالايىق، بۇعان دەيىن قونايەۆ قالاسىنداعى ەسكى گاراجدار بۇزىلىپ، ورنىنا باسقا نىساندار سالىناتىنىن جازعانبىز.

اۆتور
دوسبول اتاجان

سوڭعى جاڭالىقتار