شونجى-كوكتال-الماتى تراسساسىندا بەس قاراقۇيرىق ۇشاسى تابىلدى

ورمان شارۋاشىلىعى جانە جانۋارلار دۇنيەسى كوميتەتىنىڭ باسپا ءسوز قىزمەتى مالىمدەگەندەي، ارنايى جۇرگىزىلگەن رەيدتىك ءىس-شارا بارىسىندا كۇدىك تۋدىرعان كولىك توقتاتىلعان. الدىن الا مالىمەت بويىنشا كولىك ىشىندەگى ازاماتتار ول قاراقۇيرىقتاردى شونجى م ۇ ت پ تەمىرلىك ايماعىنا جاقىن ماڭنان اتقان بولۋى مۇمكىن. جابايى جانۋارلاردىڭ ناقتى ءتۇرى مەن جىنىسى ساراپتاما قورىتىندىسى ارقىلى انىقتالادى. اتالعان دەرەك بويىنشا قازاقستان رەسپۋبليكاسى قىلمىستىق كودەكسىنىڭ 337-بابى 4-بولىگىنىڭ 2-تارماعىنا سايكەس قىلمىستىق ءىس قوزعالدى. قازىرگى ۋاقىتتا تەرگەۋ امالدارى جۇرگىزىلىپ، ازاماتتاردىڭ وقيعاعا قاتىستىلىعى مەن بولعان جاعدايدىڭ بارلىق ءمان-جايى انىقتالىپ جاتىر.