EURO 2024: بۇگىن قازاقستان قۇراماسى سان-مارينومەن كەزدەسەدى
بۇگىن فۋتبولدان 2024-جىلعى ەۋروپا چەمپيوناتى ىرىكتەۋ ساتىسىندا قازاقستان قۇراماسى سان-مارينومەن كەزدەسەدى، دەپ حابارلايدى Kazinform.
قۇرامالار H توبىندا ويىن كورسەتەدى. قارسىلاستارى - سلوۆەنيا، دانيا، سولتۇستىك يرلانديا، فينليانديا.
قازاقستان - سان-مارينو كەزدەسۋى ەلوردا ۋاقىتىمەن 21.00 دە «Qazsport» تەلەارناسىنان تىكەلەي ەفيردە كورسەتىلەدى.
سان-مارينو - الەمدەگى ءالسىز قۇرامالاردىڭ ءبىرى.
قۇرلىقتىق دودانىڭ بيىلعى ىرىكتەۋ ساتىسىندا التى ويىندا دا قارسىلاستارىنا ەسە جىبەرىپ قويدى.
سالدارىنان ءوز توبىندا سوڭعى ورىندا تۇر.
ەل قۇراماسى 8 ويىننان كەيىن 15 ۇپاي جيناپ، ءۇشىنشى ورىندا تۇر.
العاشقى ەكى ورىنداعى سلوۆەنيا مەن دانيانىڭ ەنشىسىنە 19 ۇپايدان جازىلعان.
الداعى ەكى ويىندا جەڭىسكە جەتكەن جاعدايدا قازاقستان قۇراماسىنىڭ قۇرلىقتىق دودا فينالدىق ساتىسىنا جولداما الۋىنا مۇمكىندىگى بار.
قازاقستاندىق فۋتبولشىلار قۇرلىقتىق دودا ىرىكتەۋ ساتىسىنداعى العاشقى ويىندا سان-مارينونى سىرت الاڭدا 3:0 ەسەبىمەن جەڭگەن بولاتىن.
