شۆەتسيادان قازاقستانعا ەسىرتكى تاسىمالداعان كۇدىكتى 18 جىلعا سوتتالدى
استانا. KAZINFORM - استانادا شۆەتسيادان كازاقستانعا ەسىرتكى تاسىمالداعان "د" ەسىمدى ازامات 18 جىلعا سوتتالدى، دەپ حابارلايدى ق ر باس پروكۋراتۋراسىنىڭ باسپا ءسوز قىزمەتى.
"25.07.2024 -جىلى استانا قالاسىنىڭ مامانداندىرىلعان اۋدانارالىق قىلمىستىق ىستەر جونىندەگى سوتى حالىقارالىق ەسىرتكى تاسىمالداۋ سحەماسىنا قاتىسى بار "د" ەسىمدى ازاماتقا قاتىستى ۇكىم شىعاردى.
سوتتالۋشى شۆەتسيادان 479 گرامم اسا ءىرى كولەمدە گاشيش جەتكىزۋدى ۇيىمداستىرىپ، ونى قۇجاتتار قورابىنا جاسىردى. ەسىرتكى بەتبەلگى جۇيەسى ارقىلى ەسىرتكىگە تاۋەلدى ادامدار اراسىندا ودان ءارى ساقتاۋعا جانە تاراتۋعا ارنالعان" دەلىنگەن حابارلامادا.
سوتتا مەملەكەتتىك ايىپتاۋشى كىنانى دالەلدەيتىن ايعاقتاردى كەلتىردى. قۇقىق قورعاۋ ورگاندارىنىڭ جەدەل ارەكەتتەرىنىڭ ارقاسىندا 500 دوزادان استام ەسىرتكىنىڭ تارالۋىن بولدىرماۋعا مۇمكىندىك تۋدى.
سوت پروتسەسى سوتتالۋشىنى ءبىراۋىزدان كىنالى دەپ تانىعان القابيلەردىڭ قاتىسۋىمەن ءوتتى. سوت ونى 18 جىلعا باس بوستاندىعىنان ايىردى.
ۇكىم زاڭدى كۇشىنە ەنگەن جوق.
