شۆەتسيا رەسمي تۇردە ناتو-عا مۇشە بولدى

Швеция
Фото: pixabay.com

استانا. KAZINFORM - شۆەتسيا 7-ناۋرىزدا ناتو-عا رەسمي تۇردە قوسىلىپ، اليانستىڭ 32- مۇشەسى بولدى. بۇل تۋرالى اق ءۇي تاراتقان مالىمدەمەدە ايتىلدى.

سەيسەنبى، 5-ناۋرىز كۇنى تاڭەرتەڭ ۆەنگريا پرەزيدەنتى تاماش شۋيوك شۆەتسيانىڭ ناتو- عا مۇشەلىگىن راتيفيكاتسيالاۋ تۋرالى قۇجاتقا قول قويدى. وسىلايشا، ۆەنگريا شۆەتسيانىڭ اليانسقا قوسىلۋىنا جول بەرمەي، اقىرىندا كەلىسكەن ناتو-نىڭ سوڭعى مۇشەسى بولدى.

اق ءۇي شۆەتسيانىڭ اليانسقا كىرۋى ا ق ش پەن ونىڭ وداقتاستارىنىڭ قاۋىپسىزدىگىن ارتتىراتىنىن اتاپ ءوتتى. ونىڭ ايتۋىنشا، ناتو الەم تاريحىنداعى ەڭ قۋاتتى قورعانىس اليانسى بولىپ تابىلادى جانە ول وسىدان 75 جىل بۇرىن ەكىنشى دۇنيەجۇزىلىك سوعىستان كەيىن قيىن ساتتە قۇرىلعانىنا قاراماستان، ونىڭ بۇگىنگى كۇنى دە ادامداردىڭ قاۋىپسىزدىگىن قامتاماسىز ەتۋدە ماڭىزى زور.

- 2024 -جىلدىڭ 7-ناۋرىزىندا شۆەتسيا اليانسقا رەسمي تۇردە قوسىلىپ، 32- وداقتاس بولدى. شۆەتسيا -ءبىزدىڭ قۇندىلىقتارىمىز بەن دۇنيەتانىمدارىمىزعا سايكەس كەلەتىن، جوعارى ءتيىمدى اسكەرى بار كۇشتى دەموكراتيالىق ەل، - دەلىنگەن حابارلامادا.

مەملەكەتتىك دەپارتامەنتتىڭ حابارلاۋىنشا، ا ق ش مەملەكەتتىك حاتشىسى ەنتوني بلينكەن استانا ۋاقىتىمەن 21:15 تە شۆەتسيا پرەمەر-ءمينيسترى ۋلف كريستەرسسونمەن كەزدەسەدى. 11-ناۋرىزدا ناتو-نىڭ بريۋسسەلدەگى شتاب- پاتەرىندە شۆەتسيا تۋى كوتەرىلەدى.

سوڭعى جاڭالىقتار