شۆەتسيا ۇلتتىق قاۋىپسىزدىككە قاتەر توندىرەتىن ادامداردى ازاماتتىعىنان ايىرۋعا نيەتتى
استانا. KAZINFORM - شۆەتسيا ۇلتتىق قاۋىپسىزدىككە قاتەر توندىرەتىن قىلمىس جاساعان ەكى نەمەسە ودان دا كوپ ازاماتتىعى بار ادامداردى ازاماتتىقتان ايىرۋعا نيەتتى. ول ءۇشىن ءتىپتى كونستيتۋتسياعا وزگەرىس ەنگىزۋدى جوسپارلاپ وتىر، دەپ حابارلايدى ەuronews.

- بۇل تىڭشىلىق نەمەسە مەملەكەتكە وپاسىزدىق سياقتى قىلمىستارى ءۇشىن سوتتالعان ادامداردى، سونداي- اق پارا بەرۋ ارقىلى نەمەسە قيتۇرقى جولمەن ازاماتتىق العانداردى دا شۆەد ءتولقۇجاتتارىنان ايىرۋ مۇمكىن دەگەندى بىلدىرەدى، - دەپ حابارلادى سارسەنبى كۇنى ەل ۇكىمەتى.
بۇل وزگەرىستى پارتياارالىق كوميتەت ۇسىندى جانە كەلەسى جىلى پارلامەنتتە داۋىسقا سالىنادى، وزگەرىستەر 2026 - جىلدىڭ ماۋسىمىندا كۇشىنە ەنۋى مۇمكىن.
قازىرگى ۋاقىتتا شۆەتسيا كونستيتۋتسياسى ازاماتتىقتان ايىرۋعا جول بەرمەيدى.
كوشى- قون ءمينيسترى يۋحان فورسسەلل وتكەن جىلى ۇلتتىق قاۋىپسىزدىككە قاتەر توندىرەدى دەپ ەسەپتەگەن 600 گە جۋىق ادام شۆەتسيا ازاماتتىعىن الۋعا ءوتىنىش بىلدىرگەنىن مالىمدەدى.
شۆەتسيا ءبىر كەزدەرى ە و- نىڭ ميگرانتتارعا ەڭ قولايلى ەلدەرىنىڭ ءبىرى بولىپ سانالعان. شەتەلدە تۋىپ، شۆەتسيا ازاماتتىعىن العاندار سانى سوڭعى جيىرما جىلدا ەكى ەسە ءوستى. بۇل ەلدىڭ 10,5 ميلليون حالقىنىڭ بەستەن ءبىر بولىگىن قۇرايدى.
ۇكىمەت سونىمەن قاتار قوس ازاماتتىعى بار قىلمىستىق توپ مۇشەلەرىن دە ازاماتتىعىنان ايىرۋدى تالاپ ەتتى، ءبىراق پارلامەنتتىك كوميتەت بۇل ۇسىنىستى قابىلدامادى.
وسى اپتانىڭ باسىندا ۇكىمەت ازاماتتىققا ءوتىنىش بەرۋشىلەر ەندى ەلدە بەس جىل ەمەس، سەگىز جىل تۇرۋى كەرەك ەكەنىن مالىمدەدى.
- ءبىز شۆەتسيا ازاماتتىعى ماڭىزدىراق بولاتىن شۆەتسيانى قۇرماقپىز، - دەدى فورسەلل.
وسىعان دەيىن شۆەتسيادان اسا ءىرى كولەمدە مۇلىك جىمقىردى دەگەن كۇدىكتى ەكستراديتسيالانعانى تۋرالى جازدىق.