شەتەلدىكتەرگە جەكە سايكەستەندىرۋ ءنومىرىن بەرۋ قاعيدالارى وزگەرەدى

ىشكى ىستەر مينيسترلىگىنىڭ اشىق نورماتيۆتىك-قۇقىقتىق اكتىلەر پورتالىندا جاريالانعان بۇيرىق جوباسىنا سايكەس، قۇجاتتا شەتەلدىكتەردىڭ قازاقستاندا بولۋىنىڭ نەمەسە تۇرۋىنىڭ زاڭدىلىعىن يمميگرانتتاردىڭ ەتالوندىق دەرەكتەر بازاسىنداعى مالىمەتتەر نەگىزىندە تەكسەرۋ ءتارتىبى قاراستىرىلعان.

جوبانى ىسكە اسىرۋ شەتەل ازاماتتارى مەن ازاماتتىعى جوق ادامدارعا ج س ن قالىپتاستىرۋ جانە تۇزەتۋ بويىنشا مەملەكەتتىك قىزمەت كورسەتۋ كەزىندە ولاردىڭ قازاقستاندا بولۋ زاڭدىلىعىن تەكسەرۋگە مۇمكىندىك بەرەدى. سونىمەن قاتار قىزمەت كورسەتۋ بارىسىندا پايدالانىلاتىن دەرەكتەردىڭ دۇرىستىعىن ارتتىرۋ كوزدەلگەن.