شەتەلدىك تۋريستەر قىرعىزستان پارلامەنتى ءماجىلىس زالدارىن ارالاپ كورە الادى
استانا. KAZINFORM - قىرعىزستاننىڭ جوگوركۋ كەنەشى شەتەلدىك تۋريستەر ءۇشىن اپتاسىنا ءبىر رەت اشىق بولادى.
قوناقتار پارلامەنت عيماراتىمەن تانىسا الادى، دەپ حابارلايدى Kazinform اگەنتتىگىنىڭ بىشكەكتەگى مەنشىكتى ءتىلشىسى.
قىرعىزستان جوگوركۋ كەنەشىنىڭ باسپا ءسوز قىزمەتىنىڭ مالىمەتىنشە، ەكسكۋرسيا بارىسىندا تۋريستەرگە مۋزەي مەن ءماجىلىس زالدارىن ارالاپ كورۋگە مۇمكىندىك بەرىلەدى. مۇنداي ەكسكۋرسيالار بەلگىلەنگەن تارتىپپەن اپتاسىنا ءبىر رەت وتكىزىلەدى.
- ەكسكۋرسيا ۇيىمداستىرۋ جوگوركۋ كەنەشتىڭ قىزمەتىمەن جاقىنىراق تانىسۋعا مۇمكىندىك بەرىپ، شەتەلدىك قوناقتاردىڭ قىرعىز رەسپۋبليكاسىنداعى نەگىزگى مەملەكەتتىك بيلىك ورگاندارىنىڭ ءبىرى - پارلامەنت تۋرالى كەڭىرەك تۇسىنىك الۋىنا جول اشادى. سونىمەن قاتار كەلۋشىلەر ارنايى كادەسىي بۇرىشىنان ەستەلىك ونىمدەر ساتىپ الا الادى، - دەلىنگەن حابارلامادا.
قىرعىزستان ازاماتتارى بەلگىلەنگەن تالاپتار مەن كەلۋ ءتارتىبىن ساقتاعان جاعدايدا جوگوركۋ كەنەشكە اپتانىڭ بەس جۇمىس كۇنىندە دە كەلە الادى.
بۇعان دەيىن ەلدە تۋريستەردى مىندەتتى ساقتاندىرۋ ەرەجەلەرى بەكىتىلگەنى حابارلانعان بولاتىن.
