شەتەلدىكتەردىڭ بالا اسىراپ الۋ ماسەلەسىن قۇقىق قورعاۋ ورگاندارى دا تەكسەرۋ كەرەك - مۇرات ابەنوۆ

Мұрат Әбенов
فوتو: ايجان قاسىموۆا

استانا. KAZINFORM - پارلامەنت ءماجىلىسىنىڭ دەپۋتاتى مۇرات ابەنوۆ شەتەلدىكتەر اسىراپ العان قازاق بالالارى جونىندە پىكىرىن ءبىلدىردى.

«ول (ماسەلە) كوتەرىلۋى كەرەك، زاڭدىلىعىن قاراۋىمىز كەرەك. كەزىندە مۇنداي ماسەلە تۋىندادى. وكىنىشكە قاراي، زاڭسىز ارەكەتتەر دە بولدى. ءبىزدىڭ قازاقستان ازاماتتارىنا بالانى اسىراپ الۋعا قيىنشىلىق تۋىنداتتى، ءبىراق شەتەل ازاماتتارىنا وڭاي بولدى، ءبىر بيزنەسكە اينالعان ۋاقىتتارى بولدى. ونىڭ ءوز توپتارى بولدى. مەنىڭ ويىمشا، تەك قانا زاڭ ارقىلى عانا ەمەس، قۇقىق قورعاۋ ورگاندارى دا مۇنى زەرتتەپ قاراۋى كەرەك»، - دەدى م. ابەنوۆ پرەزيدەنتتىك ورتالىقتا وتكەن دوڭگەلەك ۇستەل كۋلۋارىندا تىلشىلەرگە بەرگەن سۇحباتىندا.

دەپۋتات قازاقستانعا بيولوگيالىق اتا-اناسىن ىزدەپ كەلگەن ادامعا مىندەتتى تۇردە كومەكتەسۋ كەرەگىن ايتتى.

«بۇل ادامنىڭ قۇقىعى. ول باسقا ادامدارعا جاسىرىن بولۋى مۇمكىن، ءبىراق ءار ادامعا بيولوگيالىق ءوز اتا-اناسىن تابۋعا تەك كومەكتەسۋىمىز كەرەك. بۇل تاقىرىپتى زەرتتەپ قارايمىز»، - دەدى ول.

بۇعان دەيىن سەنات دەپۋتاتى دارحان قىدىرالى 1999 -جىلعا دەيىن شەتەلگە كەتكەن جەتىمدەر تۋرالى دەرەكتەرگە زەرتتەۋ جۇرگىزۋ، بالالارعا بيولوگيالىق اتا-اناسىن تابۋعا كومەكتەسۋ، سونداي-اق ولاردىڭ قالاۋى بويىنشا ەلىمىزدىڭ ازاماتتىعىن الۋعا جاردەمدەسۋدى ۇسىنعان ەدى.

سوڭعى جاڭالىقتار