شەتەلدىك كوزدەردەن قارجىلاندىرىلاتىن تۇلعالاردىڭ ءتىزىلىمى جاريالاندى

استانا. KAZINFORM – ق م مەملەكەتتىك كىرىستەر كوميتەتى رەسمي www.kgd.gov.kz سايتىندا 2024-جىلدىڭ ەكىنشى جارتىجىلدىعىندا شەتەلدەن قارجىلاندىرۋ العان تۇلعالاردىڭ كەزەكتى ءتىزىلىمىن جاريالادى.

جالپى، 2023-2024-جىلدارى 295 ادام مالىمەتتەردى ۇسىندى، ونىڭ ىشىندە تۇراقتى تۇردە - 118 تۇلعا، مەرزىمدى – 96، ءبىر رەتتىك - 81 تۇلعا.

- 2023-جىلى شەتەلدىك كوزدەردەن اقشا جانە (نەمەسە) مۇلىك الۋ تۋرالى مالىمەتتەردى 28,7 ميلليارد تەڭگە سوماسىنا 267 تۇلعا ۇسىندى (2023-جىلعى 1 جارتىجىلدىقتا - 14,3 ميلليارد تەڭگەگە 239 ادام، 2023-جىلعى 2 جارتىجىلدىقتا - 14,4 ميلليارد تەڭگەگە 192 ادام). 2024-جىلى شەتەلدىك كوزدەردەن اقشا جانە (نەمەسە) مۇلىك الۋ تۋرالى مالىمەتتەردى 27,2 ميلليارد تەڭگە سوماسىنا 218 تۇلعا ۇسىندى (2024-جىلعى 1 جارتىجىلدىقتا - 13,6 ميلليارد تەڭگەگە 192 ادام، 2024-جىلعى 2 جارتىجىلدىقتا - 13,6 ميلليارد تەڭگەگە 200 ادام)، - دەلىنگەن مەملەكەتتىك كىرىستەر كوميتەتى حابارلاماسىندا.

بۇل شارا ازاماتتاردىڭ مەملەكەتكە دە، ۇكىمەتتىك ەمەس ۇيىمدارعا دا سەنىمىنىڭ دەڭگەيىن ارتتىرۋعا باعىتتالعان.

- ءوز قىزمەتى جانە شەتەلدىك كوزدەردەن الىنعان اقشا قاراجاتى تۋرالى ەسەپتەردى ۇسىنۋ تۋرالى تالاپتار الەمدىك تاجىريبەگە سايكەس كەلەدى، - دەلىنگەن حابارلامادا.

ايتا كەتەلىك مەملەكەتتىك كىرىستەر كوميتەتى شەتەلدىك كوزدەردەن قارجىلاندىرىلاتىن تۇلعالاردىڭ ءتىزىمىن جاريالاۋعا قاتىستى تۇسىنىك بەرگەن ەدى.