شەتەلدىك ب ا ق- تاعى قازاقستان: گاز تاسىمالى، ازيا ويىندارى جانە مۇناي كومپانيالارىنىڭ ق ر ۇكىمەتىن سوتقا بەرۋى

وسى اپتادا شەتەلدىك ب ا ق- تا رەسەيدىڭ قازاقستان ارقىلى وزبەكستانعا گاز جەتكىزۋى، الپاۋىت مۇناي كومپانيالارىنىڭ قازاقستان ۇكىمەتىن سوتقا بەرگەنى، قازاقستان قۇراماسىنىڭ ازيا ويىندارىندا ونەر كورسەتۋى جايلى ماقالالار جاريالاندى. تولىعىراق Kazinformساراپشىسىنىڭ شولۋىندا.

Reuters: رەسەي قازاقستان ارقىلى وزبەكستانعا گاز جەتكىزە باستايدى

7-قازاندا Reuters اقپارات اگەنتتىگى «ورتا ازيا - ورتالىق» ماگيسترالدى گاز قۇبىرىمەن رەسەيدىڭ تابيعي گازىن قازاقستان اۋماعى ارقىلى وزبەكستانعا تاسىمالداۋ جوباسىن ىسكە قوسۋ ءراسىمى وتكەنى تۋرالى حابارلادى. سالتاناتتى شاراعا ءۇش ەل پرەزيدەنتى قاتىستى.

رەسەيدىڭ «گازپروم» كومپانياسىمەن (GAZP. MM) جاسالعان ەكى جىلدىق كەلىسىمگە سايكەس، وزبەكستان تاۋلىگىنە 9 ميلليون تەكشە مەتر تابيعي گاز يمپورتتايدى.

Bloomberg: ءىرى مۇناي كومپانيالارى قازاقستان ۇكىمەتىن سوتقا بەردى

11-قازان كۇنى Bloomberg باسىلىمى قاشاعان ينۆەستورلارى قازاقستان ۇكىمەتىن حالىقارالىق سوتقا بەرەتىنى جايلى جازدى. ولار ەل ۇكىمەتىنە 5 ميلليارد ا ق ش دوللارى كولەمىندەگى ەكولوگيالىق ايىپپۇلعا قاتىستى داۋ بويىنشا حالىقارالىق اربيتراجعا شاعىمدانۋى مۇمكىن ەكەندىگىن حابارلاعان.

بيىل قازاقستان بيلىگى قاشاعان كەن ورنىنىڭ وپەراتورى North Caspian Operating Company (NCOC) كومپانياسىن كەن ورنىندا «كۇكىرتتى وتە كوپ مولشەردە ساقتادى» دەپ 2,3 تريلليون تەڭگە نەمەسە 4,8 ميلليارد دوللار ايىپپۇل تولەۋگە مىندەتتەگەن ەدى. ءبىراق مۇناي الپاۋىتى وزدەرىنىڭ ەشقانداي زاڭسىزدىق جاساماعانىن ايتىپ، سوتتا جەڭىپ شىقتى. ەل ۇكىمەتى مۇنىمەن كەلىسپەي، اپەللياتسيالىق شاعىم تۇسىرگەن بولاتىن. ن ك و ك- تىڭ Eni SpA، Shell plc,ەكسون موبايل جانە توتال ەنەردجيس ەسي سەكىلدى حالىقارالىق سەرىكتەستىكتەرى قازاقستان بيلىگىن ايىپپۇل بويىنشا كەلىسىمگە كەلۋگە شاقىرعان كورىنەدى. ال، كەلىسىمگە كەلە الماعان جاعدايدا حالىقارالىق اربيتراجعا شاعىمدانامىز دەپ دوق كورسەتىپتى. بۇعان قاتىستى NCOC پەن ەنەرگەتيكا مينيسترلىگى دە، كومپانيانىڭ سەرىكتەستىكتەرى دە ازىرگە رەسمي پىكىر بىلدىرمەي وتىر.

saspiannews:قازاقستان ازيا ويىندارىندا 80 مەدال قانجىعىلادى

10-قازان كۇنى saspiannews باسىلىمى قازاقستان ازيا ويىندارىندا 80 مەدال جەڭىپ العانى تۋرالى حابارلادى. ەل قۇراماسى ساپىندا ازياداعا سپورتتىڭ 30 تۇرىنەن 525 سپورتشى قاتىسقان. جالپىكوماندالىق ەسەپتە قازاقستان 11-ورىن الدى.

قازاقستان سپورتشىلارى بۇل ازيا ويىندارىندا 10 التىن، 22 كۇمىس، 48 قولا مەدال قانجىعالادى. ۇزدىك ۇشتىكتە: قىتاي - 383 مەدال (201 التىن، 111 كۇمىس، 71 قولا)، جاپونيا - 188 مەدال (52 التىن، 67 كۇمىس، 69 قولا) جانە وڭتۇستىك كورەيا - 190 مەدال (42 التىن، 59 كۇمىس، 89 قولا). ال ءتورتىنشى ورىنداعى ءۇندىستاندا - 107 مەدال (28 التىن، 38 كۇمىس، 41 قولا) بار.

Interfax: قازاقستان Ⅲتوقساندا وزبەكستانعا 31,1 مىڭ توننا رەسەيلىك مۇناي ءترانزيتىن جۇزەگە اسىردى

13-قازاندا Interfax باسىلىمى بيىلعى ءۇشىنشى توقساندا «قازترانسويل» ا ق "ومبى - پاۆلودار - شىمكەنت - شاعىر مۇناي قۇيۋ ەستاكاداسى" باعىتى بويىنشا قازاقستان اۋماعى ارقىلى وزبەكستان رەسپۋبليكاسىنا 31,1 مىڭ توننا رەسەي مۇنايىن تاسىمالداعانى تۋرالى حابارلادى.

«قازترانسويل» ءبىرىنشى توقساندا وزبەكستانعا 10700 توننا، ال ەكىنشى توقساندا 37900 توننا رەسەي مۇنايىنىڭ ترانزيتىن جۇزەگە اسىردى. قازان ايىندا رەسەي مۇنايىنىڭ قازاقستان رەسپۋبليكاسىنىڭ اۋماعى ارقىلى وزبەكستان رەسپۋبليكاسىنا ءترانزيتىنىڭ كولەمى 25 مىڭ توننانى قۇرادى»، - دەلىنگەن ماقالادا.

اۆتور

ۆەنەرا جولامان قىزى