شەتەلدەن اكەلىنگەن كولىكتى زاڭسىز تىركەۋ سحەماسى: كىنالىلەر جاۋاپقا تارتىلدى
استانا. KAZINFORM - قارجىلىق مونيتورينگ اگەنتتىگى 55 كولىكتى زاڭسىز تىركەۋ دەرەگى بويىنشا قىلمىستىق ءىستى اياقتادى.
بۇعان دەيىن تەرگەۋ بارىسىندا وسى سحەمانىڭ ۇيىمداستىرۋشىسى انىقتالعان بولاتىن. ول 2020-جىلى جەلتوقساننان 2022-جىلعى قاڭتارعا دەيىن شەتەلدەن اكەلىنگەن كولىكتەردى باستاپقى تىركەۋ سحەماسىن توپ بولىپ ۇيىمداستىرعان.
«بۇل ارەكەتتەر مىندەتتى تولەمدەر مەن سالىقتاردىڭ تولەنبەۋىنە، جالعان قۇجاتتار پايدالانىلۋىنا اكەپ سوعىپ، مەملەكەتكە 400 ميلليون تەڭگەدەن اسا شىعىن كەلتىرگەن. ەكى كىنالى تۇلعا قىلمىستىق جاۋاپكەرشىلىككە تارتىلدى»، - دەپ جازىلعان حابارلامادا.
سوت شەشىمىمەن سوتتالعاندار 2,5 جىلدان 5 جىلعا دەيىن باس بوستاندىعىنان ايىرۋ جازاسىنا كەسىلدى.
سونىمەن قاتار سوتتىڭ شەشىمىمەن سوتتالعانداردىڭ مۇلكى، ياعني استانا جانە كوكشەتاۋ قالالارىنداعى جالپى قۇنى 90,5 ميلليون تەڭگەدەن اساتىن پاتەرلەر، كوكشەتاۋ قالاسىنداعى قۇنى 35 ميلليون تەڭگە بولاتىن ءۇي تاركىلەندى.
