شەتەلدە قازاقستاندىق ايەل جوعالدى: تۋىستارى گەرمانياعا جەتتى

استانا. KAZINFORM - سىرتقى ىستەر مينيسترلىگىنىڭ رەسمي وكىلى ايبەك سمادياروۆ ۆەدومستۆونىڭ باسپا ءسوز ءماسليحاتىندا گەرمانيادا جوعالعان قازاقستان ازاماتىنىڭ تۋىستارى گەرمانياعا جەتكەنىن ءمالىم ەتتى.

Шетелде қазақстандық әйел жоғалды: Туыстары Германияға жетті
Фото: pexels.com

«جوعالعان ازاماتشامىزدىڭ شەشەسى مەن اعاسى گەرمانيادا، ۆيزا الۋعا كومەكتەستىك. پوليتسيامەن تىعىز بايلانىستامىز، جۇمىس جۇرگىزىپ جاتىرمىز. جاقىن ارادا اقپارات بولادى دەپ كۇتەمىز. ازىرشە بار رەسمي اقپارات وسى»، - دەدى مينيسترلىك وكىلى.

ايبەك سمادياروۆ ديپلوماتتاردىڭ وزگە ەلدەگى تەرگەۋ جۇمىستارىنا كيلىگۋگە حاقىلارى جوق ەكەنىن ەسكە سالدى.

گەرمانيا پوليتسياسى حابار-وشارسىز كەتكەن استانا قالاسى سارىارقا اۋدانىنىڭ بۇرىنعى سۋدياسى ايگۇل سايلىبايەۆانى ىزدەۋگە كىرىسكەنىن جازعان ەدىك.

سوڭعى جاڭالىقتار