شەرزات پولاتتىڭ ولىمىنە قاتىستى تەرگەۋ قاشان اياقتالادى

الماتى. KAZINFORM - الماتى وبلىسىنىڭ پروكۋراتۋراسى ش. پولاتتى ءولتىرۋ فاكتىسى بويىنشا سوتقا دەيىنگى تەرگەۋدىڭ اياقتالۋعا جاقىن ەكەنىن حابارلادى.

ۆەدومستۆودان ءمالىم ەتكەندەي، قاجەتتى تەرگەۋ ارەكەتتەرى جۇرگىزىلىپ، بارلىق كۇدىكتى ۇستالدى.

- قازىرگى ۋاقىتتا ساراپتاما ناتيجەلەرى كۇتىلۋدە. ساراپتاما قورىتىندىسىنان كەيىن ءىس پروتسەستىڭ قاتىسۋشىلارىنا تانىسۋ ءۇشىن بەرىلەدى. سونىمەن قاتار ك. نۇرىموۆتىڭ ءۇيىن ورتەۋ جانە ن. گايپبايەۆتىڭ ءوز- وزىنە قول جۇمساۋى بويىنشا قىلمىستىق ىستەردىڭ تەرگەلۋى باس پروكۋراتۋرانىڭ باقىلاۋىندا ەكەنىن حابارلايمىز، - دەپ اتاپ ءوتتى پروكۋراتۋرادان.

ەسكە سالايىق، 4-قازاندا تالعار قالاسىنداعى توبەلەستەن ءبىر ادام قايتىس بولعانىن جازعانبىز.

اشۋلى تالعارلىقتار جاسوسپىرىم ولىمىنە بايلانىستى نارازىلىققا شىقتى.

الماتى وبلىسىنىڭ پروكۋراتۋراسى كىسى ءولتىرۋ تۋرالى بۇل ءىس ەرەكشە باقىلاۋعا الىنعانىن رەسمي تۇردە حابارلادى.

اۆتور

الما مۇقانوۆا